កម្ពុជាបានបន្តការចាក់វ៉ាក់សាំងលើប្រជាពលរដ្ឋ ប៉ុន្តែតួលេខអ្នកចាក់វ៉ាក់សាំងដូសជំរុញថ្ងៃ នេះបានថយចុះជាងម្សិលមិញ។ យោងតាមក្រសួងសុខាភិបាល តួលេខអ្នកចាក់វ៉ាក់សាំង ដូសទី៣ ក្នុងរយៈពេល២៤ម៉ោងកន្លងមកនេះ មានចំនួន ១ម៉ឺន ៧ពាន់ ៤៨៧នាក់ ដែលជាតួ លេខចាក់ថយចុះជាងម្សិលមិញចំនួន ៩៩៩នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៨២ម៉ឺន ១ពាន់ ៦៩១នាក់ ។

ដោយឡែកតួលេខអ្នកចាក់វ៉ាក់សាំងដូសទី៤ នៅថ្ងៃនេះ មានមនុស្សចាក់ចំនួន ៣ពាន់ ៤៩៦នាក់ ដែលជាតួលេខចាក់ថយចុះជាងម្សិលមិញផងដែរ ។ កាលពីម្សិលមិញតួ លេខអ្នកចាក់វ៉ាក់សាំងដូសទី៤ មានសរុបចំនួន ៤ពាន់ ១៩៩នាក់។ តួលេខអ្នកចាក់វ៉ាក់សាំងដូសទី៤ រយៈពេល ៦៩ថ្ងៃ កន្លងមកនេះ ទើបបានចំនួន ១លាន ១៣ម៉ឺន ៥០៤នាក់ ។

កម្ពុជាក្នុងចំណោមពលរដ្ឋ ១៦លាននាក់, ការចាក់វ៉ាក់សាំង២ដូសក្នុង កម្រិតមូលដ្ឋានទូទាំងប្រទេសគិតត្រឹមថ្ងៃនេះ បានសម្រេចចំនួន ១៤លាន ៧៩ម៉ឺន ៣ពាន់ ៤៥នាក់ ដែលស្មើនឹង ៩២,៤៦ភាគរយ ។ ដោយឡែក ក្នុងរយៈពេល ២៨ថ្ងៃមកនេះ ការចាក់ វ៉ាក់សាំងលើកុមារអាយុក្រោម ៥ឆ្នាំ ទើបបានចំនួន ២៨ម៉ឺន ៩ពាន់ ៧២នាក់ ដែលស្មើនឹង ៤៧,៣៣ភាគរយ នៃគោលដៅចំនួនកុមារដែលត្រូវចាក់វ៉ាក់សាំង៕