ហាណូយ៖ តំណាងអង្គការសុខភាពពិភពលោក (WHO) នៅវៀតណាមថា កូវីដ១៩មិនគួរចាត់ទុកជាជំងឺសាមញ្ញនៅឡើយទេ ហើយវិធានការការពារជាមូលដ្ឋានត្រូវតែបន្តអនុវត្ត។

វាគឺជារឿងលឿនពេកហើយ ដែលថាជំងឺនេះបញ្ចប់ ឬ ចាត់ទុកថា ជាជំងឺឆ្លងធម្មតានោះ នេះបើតាមលោក Kidong Park តំណាងអង្គការសុខភាពពិភពលោកប្រចាំវៀតណាម បញ្ជាក់ថ្មីៗនេះ។ លោកបន្តថា ប្រទេសទាំងអស់គួរតែបន្តគ្រប់គ្រងនិងយកចិត្តទុកដាក់ រយៈពេលវែងទៀត។

ថ្មីៗនេះ វៀតណាមឆ្លងប្រចាំថ្ងៃរាប់ម៉ឺននាក់ ខណៈភាគច្រើនជាអ្នកជំងឺស្រាលៗ ហើយអាចព្យាបាលតាមផ្ទះបាន តែចំនួនមនុស្សស្លាប់បាននៅទ្រឹង ហើយក៏មិនលើសពី ១០០នាក់ដែរ ក្នុង១ថ្ងៃ។ ប្រការនេះ ធ្វើឲ្យវៀតណាមហាក់ចាត់ទុកជំងឺកូវ១៩ គឺជាជំងឺឆ្លងធម្មតាទៅហើយ៕ ប្រែសម្រួលដោយ៖ សារ៉ាត