ភ្នំពេញ៖ លោកវរៈសេនីយ៍ឯក ហ៊ាង ថារ៉េត អធិការនគរបាល ខណ្ឌឬស្សីកែវ បានប្រាប់អ្នកយកព័ត៌មានឱ្យដឹងថា កំលាំងនគរបាល ជំនាញខណ្ឌឬស្សីកែវ បានបង្ក្រាបជាក់ស្តែង ករណីលួច កាច់កញ្ចក់រថយន្ត នៅថ្ងៃទី ២៧ ខែមីនា ឆ្នាំ២០២២ នៅចំណុច ផ្ទះលេខ១D ផ្លូវបេតុង ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ ដោយឃាត់ខ្លួនបុរសជា ជនសង្ស័យបានចំនួន ពីរនាក់។

មន្ត្រីនគរបាលខណ្ឌ បានឱ្យដឹងថា ជនរងគ្រោះ ឈ្មោះ កុសល ច័ន្ទស័ក្តិវិទូ ភេទប្រុស អាយុ២៩ឆ្នាំ មុខរបរ អាជីវករ មានទីលំនៅ កន្លែងកេីតហេតុ។ ចំណែកជនសង្ស័យទី១ -ឈ្មោះ ម៉ា ដារ៉ា អាយុ ២៧ឆ្នាំ មុខរបរគ្មានមានទីលំនៅ ផ្ទះជួល ភូមិ៧ សង្កាត់ ស្រះចក ខណ្ឌដូនពេញ (ប្រេីប្រាស់សារធាតុញៀន), ជនសង្ស័យ ទី២ ឈ្មោះ ផុន ច័ន្ទឧត្តម អាយុ ២៨ឆ្នាំ មុខរបរគ្មាន មាន ទីលំនៅ មិនពិតប្រាកដ (ប្រេីប្រាស់សារធាតុញៀន)។ សម្ភារៈ ដក ហូត មាន៖កញ្ចក់រថយន្តមួយ ប្រគល់ជូនជនរងគ្រោះវិញព្រម ទាំង សម្ភារៈ មួយចំនួន។

កំលាំងនគរបាលខណ្ឌកំពុងចាត់ការតាមនីតិវិធី ៕ ដោយ៖ ប៊ុនធ