ក្រុមមន្ត្រីចម្រុះដឹកនាំដោយអារ៉ាប៊ីសាអូឌីត បានវាយសងសឹងប្រឆាំងនឹងក្រុមឧទ្ទាមហូទី (Houthi) ដែលគាំទ្រដោយអ៊ីរ៉ង់ក្នុងប្រទេសយេម៉ែនវិញ តាមរយៈការវាយប្រហារតាមអាកាសលើរដ្ឋធានី និងទីក្រុងនៅសមុទ្រក្រហម បណ្ដាលឱ្យមនុស្សយ៉ាងហោច ៨នាក់ស្លាប់។

ឧត្តមសេនីយ Turki al-Malki អ្នកនាំពាក្យនៃក្រុមចម្រុះដឹកនាំ បាននិយាយថា ក្រុមចម្រុះបានស្ទាក់ចាប់ និងបំផ្លាញយន្តហោះដ្រូនផ្ទុកគ្រឿងផ្ទុះ ២ គ្រឿង។

ដោយឡែក នៅទីក្រុង Hodeida ក្រុមចម្រុះបានវាយប្រហារទីតាំងប្រេង ដោយរំលោភលើកិច្ចព្រមព្រៀងបទឈប់បាញ់ឆ្នាំ ២០១៨ និងបានគ្រប់គ្រងប្រហែល ៧០% នៃការនាំចូលពាណិជ្ជកម្ម និងជំនួយមនុស្សធម៌របស់យេម៉ែន។ ការវាយប្រហារ ក៏បានធ្វើឱ្យប៉ះពាល់ដល់កំពង់ផែ Salif នៅសមុទ្រក្រហមក្បែរនោះផងដែរ។

ក្រុមបេសកកម្មរបស់អង្គការសហប្រជាជាតិ ដែលត្រួតពិនិត្យកិច្ចព្រមព្រៀង Hodeida បានសម្តែងការព្រួយបារម្ភអំពីការវាយប្រហារតាមអាកាស និងបានជំរុញឱ្យភាគីជម្លោះរក្សាលក្ខណៈស៊ីវិលនៃកំពង់ផែ និងជៀសវាងការខូចខាតដល់ហេដ្ឋារចនាសម្ព័ន្ធស៊ីវិល។

ប្រភព៖ Fox News