តាលីបង់បដិសេធមិនលើកកម្ពស់ការអប់រំរបស់កុមារី បង្អាក់ដល់ផែនការអាមេរិកក្នុងការទទួលស្គាល់ក្រុមនេះ
សហរដ្ឋអាមេរិក បានត្រៀមខ្លួនក្នុងការកំណត់ពួកតាលីបង់នៅលើផ្លូវ ដើម្បីទទួលស្គាល់ការទូត ប៉ុន្តែផែនការនេះត្រូវបានបង្អាក់ ដោយការបដិសេដរបស់មេដឹកនាំអាហ្វហ្គានីស្ថានលើការសន្យាអនុញ្ញាតឱ្យមានការអប់រំដល់កុមារី នេះបើតាមការរាយការណ៍របស់កាសែត Guardian។
ការបដិសេធនេះ បង្កឱ្យមានការខឹងសម្បារពីអន្តរជាតិ និងភាពច្របូកច្របល់កាលពីថ្ងៃពុធ នៅពេលដែលមេដឹកនាំតាលីបង់បានបដិសេធលើកិច្ចព្រមព្រៀងអនុញ្ញាតឱ្យក្មេងស្រីជំទង់ចូលរៀននៅអនុវិទ្យាល័យ ត្រឹមតែមួយសប្ដាហ៍បន្ទាប់ពីក្រសួងអប់រំពួកគេ បានប្រកាសថា សាលារៀន នឹងបើកសម្រាប់សិស្សទាំងអស់។
អ្នកការទូតអាមេរិក មានសុទិដ្ឋិនិយមខ្លាំងណាស់ ដែលថាក្រុមតាលីបង់ នឹងគោរពតាមការសន្យា ហើយបានរៀបចំព្រឹត្តិការណ៍រួមគ្នាមួយមុនវេទិកា Doha នៅចុងសប្ដាហ៍នេះក្នុងប្រទេសកាតា ដែលនឹងរៀបឡើងក្នុងបំណងចាប់ផ្ដើមដំណើរការផ្ដល់ការទទួលស្គាល់ការទូតដល់ក្រុមនេះ។
ការផ្លាស់ប្ដូរភ្លាមៗ បានធ្វើឱ្យខូចដល់ភាពសុទិដ្ឋិនិយមអាមេរិក ខណៈក្រុមនេះ បានបញ្ជាឱ្យស្ថានីយទូរទស្សន៍អាហ្វហ្គានីស្ថានឈប់ចេញផ្សាយព័ត៌មានរបស់សារព័ត៌មាន BBC ជាភាសា Pashto, Persian និង Uzbek។
មន្ត្រីលោកខាងលិច បានបញ្ជាក់យ៉ាងច្បាស់ថា ការទទួលស្គាល់ការទូត នឹងមិនអាចទៅរួចទេ លុះត្រាតែក្រុមតាលីបង់ សម្រេចចិត្តលើការអប់រំរបស់កុមារី។ ចំណាត់ការនេះ ក៏នឹងធ្វើឱ្យសហគមន៍អន្តរជាតិកាន់តែពិបាករៃអង្គាសប្រាក់សម្រាប់សន្និសីទអន្តរជាតិនៅសប្ដាហ៍ក្រោយ ។
ប្រភព៖
