តួលេខអ្នកចាក់វ៉ាក់សាំងដូសទី៣ ក្នុងរយៈពេល២៤ម៉ោង កន្លងមកនេះ មានចំនួន ១ម៉ឺន ៦ពាន់ ៤០២នាក់ ដែលជាតួលេខចាក់តិចជាងម្សិលមិញចំនួន ៨២នាក់ ។ គិតត្រឹមថ្ងៃនេះតួលេខអ្នកចាក់វ៉ាក់សាំងដូសទី៣ បានសរុបចំនួន ៧លាន ៩៥ម៉ឺន ៩ពាន់ ៩៤៨នាក់ ។

ចំណែកតួលេខអ្នកចាក់វ៉ាក់សាំងដូសទី៤ នៅថ្ងៃនេះវិញ, ចំនួនមនុស្សបានចាក់មាន១ម៉ឺន ៤ពាន់ ៧២២នាក់ ដែលជាតួលេខចាក់ច្រើនជាងម្សិលមិញ ។ កាលពីម្សិលមិញតួលេខអ្នកចាក់វ៉ាក់សាំងដូសទី៤ មានសរុបចំនួន ៣ពាន់ ៨៣៨នាក់ ។ តួលេខអ្នកចាក់វ៉ាក់សាំងដូសទី៤ រយៈពេល ៧៨ថ្ងៃកន្លងមកនេះ បានចំនួន ១លាន ១៨ម៉ឺន ៦៨៣នាក់ ។

កម្ពុជាក្នុងចំណោមពលរដ្ឋ ១៦លាននាក់, ការចាក់វ៉ាក់សាំងដូសមូលដ្ឋានទូទាំង ប្រទេសគិតត្រឹមថ្ងៃនេះ បានកើនដល់ចំនួន ១៤លាន ៨២ម៉ឺន ៦ពាន់ ៣៧៧នាក់ ដែលស្មើនឹង ៩២,៦៦ភាគរយ ។ ដោយឡែកក្នុងរយៈពេល ៣៧ថ្ងៃកន្លងមកនេះទៀត ការចាក់វ៉ាក់សាំងលើ កុមារអាយុក្រោម ៥ឆ្នាំ បានចំនួន ៣០ម៉ឺន ៨ពាន់ ១២៤នាក់ ដែលស្មើនឹង ៥០,៤៥ភាគរយ នៃគោលដៅចំនួនកុមារដែលត្រូវចាក់វ៉ាក់សាំងទូទាំងប្រទេស៕