អ.ស.ប៖ ប្រធានាធិបតីអ៊ុយក្រែនលោក វ៉ូឡូឌីមៀ ហ្សេលេន ស្គី បានអំពាវនាវឱ្យដករុស្ស៊ីចេញពីក្រុមប្រឹក្សា សន្តិសុខ អង្គការ សហប្រជាជាតិ(អ.ស.ប) ដោយលោកបាន ប្រាប់ សមាជិកស្ថាប័នអន្តរជាតិនេះនៅថ្ងៃអង្គារថា ជនជាតិ រុស្ស៊ីត្រូវ តែទទួលខុសត្រូវចំពោះអំពើឃោរឃៅក្នុងទីក្រុងប៊ូចា របស់ អ៊ុយក្រែន។

លោក ហ្សេលេនស្គី បានថ្លែងនៅក្នុងសុន្ទរកថាមួយទៅ កាន់ ក្រុមប្រឹក្សាសន្តិសុខអ.ស.ប ថា ប្រសិនបើអ្នក ការទូតអ.ស.ប មិនធ្វើសកម្មភាពទេ ពួកគេ គួរតែរំលាយក្រុមប្រឹក្សានេះ ចោល ។

ជាការឆ្លើយតបនោះ ឯកអគ្គរដ្ឋទូតរុស្ស៊ីលោក វ៉ាស៊ីលី ណេបេនហ្ស៊ី បានច្រានចោលការចោទប្រកាន់នេះ ហើយ បានចោទប្រកាន់ទាហានអ៊ុយក្រែនវិញថា កំពុងចាប់ឃុំខ្លួន ធ្វើទារុណកម្ម និងសម្លាប់ទាហានរុស្ស៊ី។ ទន្ទឹមគ្នា អគ្គលេខា ធិការអ.ស.ប លោក អាន់តូនីញ៉ូ ហ្គូដទែរ៉េស បាននិយាយថា លោកមានអារម្មណ៍រន្ធត់ចិត្តជាខ្លាំងចំពោះរូបភាពជនស៊ីវិលដែលត្រូវបានគេសម្លាប់នៅទីក្រុងប៊ូចា ហើយថា ឧត្តម ស្នងការ អង្គការសហប្រជាជាតិទទួលបន្ទុកសិទ្ធិមនុស្ស កំពុងស្វែងរកការប្រព្រឹត្តឧក្រិដ្ឋកម្មសង្គ្រាមដែលអាចកើតមាន។
ជាមួយគ្នានេះ ឯកអគ្គរដ្ឋទូតអាមេរិកលោកស្រី លីនដា ថមម៉ាស់ គ្រីនហ្វៀល ក៏បានអំពាវនាវឱ្យសមាជិកនៃ មហាសន្និបាត បោះឆ្នោតដករុស្ស៊ីចេញពីក្រុមប្រឹក្សាសិទ្ធិ មនុស្សអង្គការសហប្រជាជាតិផងដែរ។

លោកស្រីបាននិយាយថា មេដឹកនាំរុស្ស៊ីកំពុងប្រើសមាជិក ភាពរបស់ពួកគេ ជាការឃោសនាដោយផ្តល់យោបល់ថា ពួកគេមានទុក្ខកង្វល់ស្របច្បាប់ចំពោះសិទ្ធិមនុស្ស៕ ប្រភព៖ NHK ប្រែសម្រួល៖ ឈឹម ទីណា