សៀងហៃបានបំបែកកំណត់ត្រាករណីឆ្លងប្រចាំថ្ងៃឡើងខ្ពស់ ដោយរកឃើញករណីឆ្លងថ្មីចំនួន ១៦ ៧៦៦ករណី កាលពីថ្ងៃទី៦ មេសា។

ទីក្រុងសៀងហៃ ត្រូវបានបិទខ្ទប់ ហើយប្រជាជនសរុប ២៦លាននាក់មានការមិនសប្បាយចិត្តកាន់តែខ្លាំងឡើងចំពោះការរឹតបន្តឹងលើការធ្វើដំណើររបស់ពួកគេជាច្រើនសប្តាហ៍។

បុគ្គលិកពេទ្យចំនួន ៣៨ ០០០នាក់ និងកងកម្លាំងយោធាចិនចំនួន ២ ០០០នាក់ទៀត ត្រូវបានបញ្ជូនទៅទីក្រុងសៀងហៃ ដើម្បីធ្វើតេស្តទ្រង់ទ្រាយធំ។

សេដ្ឋកិច្ចរបស់ចិន កំពុងធ្លាក់ចុះយ៉ាងខ្លាំង ដោយសារតែវិស័យផលិតកម្មធំៗរបស់ប្រទេសបានផ្អាកសកម្មភាព ដែលក្រុមអ្នកវិភាគបាននិយាយថា ជាហានិភ័យ និងអាចរំខានដល់ខ្សែសង្វាក់ផលិតកម្មផ្គត់ផ្គង់ពិភពលោក។

ប្រភព៖ The Guardian