ស្ថានភាពសង្គមកម្ពុជាមុនឆ្នាំ ១៩៥៥ និងការបដិវត្ដន៍
ឯករាជ្យភាពកម្ពុជាមិនមែនបានមកដោយចៃដន្យនោះទេ ហើយក៏មិនមែនបានមកដោយការបួងសួងនោះដែរ គឺបានមកពីការធ្វើការលះបង់សាច់ស្រស់ឈាមស្រស់នៃវីរជនជំនាន់មុនរបស់កម្ពុជាដែលបានចូលរួមចលនាបដិវត្តន៍ប្រឆាំងនិងការជិះជាន់ ការរំលោភសិទ្ធិសេរីភាព ដែនអធិបតេយ្យភាព បូរណភាពដែនដីកម្ពុជា ដើម្បីទាមទារសេរីភាព និងឯករាជ្យជូនប្រជាជនកម្ពុជា។ ប្រសិនបើគ្មានចលនាតស៊ូរបស់ប្រជាជនជំនាន់មុនកម្ពុជាក៏ពុំមានឯករាជ្យពេញលេញនិងសុខសន្តិភាពដូចបច្ចុប្បន្ននេះដែរ។ ក្នុងនាមជាយុវជនជំនាន់ក្រោយគប្បីគោរពចងចាំវីរភាព និងចូលរួមរក្សាឯករាជ្យភាព សន្តិភាព និងការអភិវឌ្ឍដែលកម្ពុជាកំពុងមានដើម្បីអនាគតកម្ពុជាដ៏រុងរឿង។
