កម្ពុជាបន្តសម្រុកចាក់វ៉ាក់សាំងដូសជម្រុញ (Video Inside)
កម្ពុជាបន្តសម្រុកចាក់វ៉ាក់សាំងដូសជម្រុញខណៈជំនួយវ៉ាក់សាំងពីបរទេសបានដឹកមកដល់ កម្ពុជាជាបន្តបន្ទាប់។ ក្នុងសប្តាហ៍នេះ ជំនួយវ៉ាក់សាំងឥណ្ឌា CoviShield ចំនួន៣២ម៉ឺន ៥ពាន់ដូស បានដឹកមកដល់កម្ពុជា។ កម្ពុជានឹងរំពឹងការទទួលវ៉ាក់សាំងពីប្រទេសអ៊ីតាលី និង ពីសហរដ្ឋអាមេរិកជាបន្ថែមទៀត។ នៅជាមួយគ្នានេះផងដែរ ការសម្រុកចាក់វ៉ាក់សាំងដូស ជម្រុញបានបន្តធ្វើឡើងជាប្រចាំ។
ក្នុងរយៈពេល២៤ម៉ោងចុងក្រោយនេះ តួលេខអ្នកចាក់ វ៉ាក់សាំងដូសទី៣ មានចំនួន ៩ពាន់ ២២៤នាក់។ តួលេខអ្នកចាក់វ៉ាក់សាំងដូសទី៣ គិតត្រឹម ថ្ងៃនេះបានសរុបចំនួន ៨លាន ៥ម៉ឺន ៦ពាន់ ៣៧៤នាក់ ។
ចំណែកតួលេខអ្នកចាក់វ៉ាក់សាំង ដូសទី៤ នៅថ្ងៃនេះវិញ, ចំនួនមនុស្សបានចាក់ មាន២ពាន់ ៧១៤នាក់។ តួលេខអ្នកចាក់វ៉ាក់ សាំងដូសទី៤ រយៈពេល ៨៩ថ្ងៃ កន្លងមកនេះ បានចំនួន ១លាន ២១ម៉ឺន ៥ពាន់ ៤២៦នាក់ ។
កម្ពុជាក្នុងចំណោមពលរដ្ឋ ១៦ លាននាក់, ការចាក់វ៉ាក់សាំងដូសមូលដ្ឋានទូទាំងប្រទេស គិតត្រឹមថ្ងៃនេះ បានកើនដល់ចំនួន ១៤លាន ៨៤ម៉ឺន ៧ពាន់ ៣០នាក់ ដែលស្មើនឹង ៩២,៧៩ ភាគរយ ។
ដោយឡែកក្នុងរយៈពេល ៤៨ថ្ងៃកន្លងមកនេះទៀត ការចាក់វ៉ាក់សាំងលើកុមារ អាយុក្រោម ៥ឆ្នាំ បានចំនួន ៣១ម៉ឺន ៩ពាន់ ៤៤នាក់ ដែលស្មើនឹង ៥២,២៤ភាគរយ នៃគោល ដៅចំនួន កុមារដែលត្រូវចាក់វ៉ាក់សាំងទូទាំងប្រទេស៕