រ៉ូម៖ រដ្ឋាភិបាលអ៊ីតាលីបានឲ្យដឹង កាលពីថ្ងៃម្សិលមិញថា លោកនាយករដ្ឋមន្រ្តី លោក Mario Draghi បានឆ្លងជំងឺកូវីដ១៩ហើយ។ បុរស វ័យ ៧៤ឆ្នាំ ដែលបានចាក់វ៉ាក់សាំងពេញលេញ «មិនមានរោគសញ្ញាអ្វីទេ»។ នេះបើ យោងតាមសេចក្តីថ្លែងការណ៍ចេញផ្សាយ កាលពីថ្ងៃទី១៨ មេសា។

ការធ្វើតេស្តវិជ្ជមានរបស់លោក Draghi កើតឡើង នៅពេលដែលអត្រានៃការឆ្លងកូវីដ១៩ នៅក្នុងប្រទេសអ៊ីតាលីបានកើនឡើង ពីកម្រិតទាបបំផុតចាប់តាំងពីដើមខែមីនា ទោះបីជា អត្រាមរណភាពនិងសម្រាកនៅមន្ទីរពេទ្យនៅតែមានកម្រិតទាបក៏ដោយ។

សូមបញ្ជាក់ថា អ៊ីតាលី បច្ចុប្បន្ន ឆ្លងកូវីដ ប្រចាំថ្ងៃជាង៥ម៉ឺននាក់៕
ប្រភព៖ ស៊ីនហួរ ប្រែសម្រួល៖ សារ៉ាត