កម្ពុជាបានបន្តសម្រុកការចាក់វ៉ាក់សាំងដូសជម្រុញ ដោយក្នុងរយៈពេល ២៤ម៉ោងមកនេះ តួលេខអ្នកចាក់វ៉ាក់សាំងដូសទី៣ បានចំនួន ១ម៉ឺន ២ពាន់ ៤៤៩នាក់ ។ យោងតាមក្រសួង សុខាភិបាល តួលេខអ្នកចាក់វ៉ាក់សាំងដូសទី៣ គិតរហូតមកទល់ពេលនេះបានសរុបចំនួន ៨លាន ១០ម៉ឺន ៨ពាន់ ៦១១នាក់ ។

ចំណែកតួលេខអ្នកចាក់វ៉ាក់សាំងដូសទី៤ នោះវិញ, រយៈ ពេល២៤ម៉ោង មកនេះមានចំនួនមនុស្សបានចាក់មាន ៤ពាន់ ៧៣៤នាក់ ។ តួលេខអ្នកចាក់វ៉ាក់សាំងដូសទី៤ រយៈពេល ៩៦ថ្ងៃ កន្លងមកនេះ បានចំនួន ១លាន ២៣ម៉ឺន ៦ពាន់ ៨៧៨នាក់ ។

កម្ពុជាក្នុងចំណោមពលរដ្ឋ ១៦លាននាក់, ការចាក់វ៉ាក់សាំងដូសមូលដ្ឋាន ទូទាំងប្រទេសគិតត្រឹមថ្ងៃនេះ បានកើនដល់ចំនួន ១៤លាន ៨៥ម៉ឺន ៧ពាន់ ៩៥៣នាក់ ដែល ស្មើនឹង ៩២,៨៦ ភាគរយ ។

ដោយឡែកក្នុងរយៈពេល ៥៥ ថ្ងៃកន្លងមកនេះទៀត ការចាក់វ៉ាក់ សាំងលើកុមារអាយុក្រោម ៥ឆ្នាំ បានចំនួន ៣២ម៉ឺន ៤ពាន់ ៧៤នាក់ ដែលស្មើនឹង ៥៣,០៦ ភាគរយ នៃគោលដៅចំនួនកុមារដែលត្រូវចាក់វ៉ាក់សាំង ទូទាំងប្រទេស៕