តួលេខអ្នកចាក់វ៉ាក់សាំងដូសទី៣ ក្នុងរយៈពេល ២៤ម៉ោងមកនេះ បានចំនួន ៣ម៉ឺន ១ពាន់ ៨៨០នាក់ ដែលនាំឱ្យតួលេខអ្នកចាក់វ៉ាក់សាំងដូសទី៣ កើនសរុបចំនួន ៨លាន ២៨ម៉ឺន ២ពាន់ ៩៥៣នាក់ ។

ចំណែកតួលេខអ្នកចាក់វ៉ាក់សាំងដូសទី៤ នោះវិញ, រយៈពេល២៤ម៉ោង មកនេះមានចំនួន ៣ម៉ឺន ២ពាន់ ២៥៩នាក់។ តួលេខអ្នកចាក់វ៉ាក់សាំងដូសទី៤ រយៈពេល ១០៣ថ្ងៃ កន្លងមកនេះ បានចំនួន ១លាន ៤៤ម៉ឺន ៤ពាន់ ៥៤៧នាក់ ។

កម្ពុជាក្នុងចំណោមពលរដ្ឋ ១៦លាននាក់, ការចាក់វ៉ាក់សាំងដូសមូលដ្ឋានទូទាំងប្រទេសគិត ត្រឹមថ្ងៃនេះ បានកើនដល់ចំនួន ១៤លាន ៨៩ម៉ឺន ៩ពាន់ ៥៨៩នាក់ ដែលស្មើនឹង ៩៣,១២ ភាគរយ ។

ដោយឡែកក្នុងរយៈពេល ៦២ថ្ងៃកន្លងមកនេះទៀត ការចាក់វ៉ាក់សាំងលើកុមារ អាយុក្រោម ៥ឆ្នាំ បានចំនួន ៣៤ម៉ឺន ៣ពាន់ ៣២៥នាក់ ដែលស្មើនឹង ៥៦,២២ភាគរយ នៃ គោលដៅចំនួនកុមារដែលត្រូវចាក់វ៉ាក់សាំងទូទាំងប្រទេស៕