តួលេខអ្នកចាក់វ៉ាក់សាំងដូសទី៤ ក្នុងរយៈពេល២៤ម៉ោង មកនេះមានចំនួន ៤ម៉ឺន ៤ពាន់ ៦៧នាក់ ដែលកើនឡើងលើសជិតពាក់កណ្តាល បើប្រៀបធៀបនឹងម្សិលមិញដែលមាន ចំនួនតែ ២ម៉ឺន ៣ពាន់ ៣១៩នាក់នោះទេ ។ តួលេខអ្នកចាក់វ៉ាក់សាំងដូសទី៤ រយៈពេល ១០៥ថ្ងៃ កន្លងមកនេះ បានចំនួន ១លាន ៥១ម៉ឺន ២ពាន់ ៣៦២នាក់ ។

ចំណែកតួលេខអ្នកចាក់វ៉ាក់សាំងដូសទី៣ ក្នុងរយៈពេល ២៤ម៉ោងមកនេះវិញ បានចំនួន ៤ម៉ឺន ៨ពាន់ ៤៧៦ នាំឲ្យតួលេខពលរដ្ឋបានចាក់វ៉ាក់សាំងដូសទី៣សរុប ទូទាំងប្រទេស មានចំនួន ៨លាន ៣៩ម៉ឺន ៥ពាន់ ២៥នាក់ ។ សម្តេចនាយករដ្ឋមន្ត្រីនៅថ្ងៃទី២៨មេសា នេះ បានថ្លែងអំពាវនាវពលរដ្ឋត្រូវបន្តទទួលវ៉ាក់សាំង។

កម្ពុជាក្នុងចំណោមពលរដ្ឋ ១៦លាននាក់, ការចាក់វ៉ាក់សាំងដូសមូលដ្ឋានទូទាំងប្រទេសគិត ត្រឹមថ្ងៃនេះ បានកើនដល់ចំនួន ១៤លាន ៩១ម៉ឺន ៥ពាន់ ៩៥៤នាក់ ដែលស្មើនឹង ៩៣,២២ ភាគរយ ។

ដោយឡែកក្នុងរយៈពេល ៦៤ថ្ងៃ កន្លងមកនេះទៀត ការចាក់វ៉ាក់សាំងលើកុមារ អាយុក្រោម ៥ឆ្នាំ បានចំនួន ៣៥ម៉ឺន ១ពាន់ ៣៩២នាក់ ដែលស្មើនឹង ៥៧,៥៤ភាគរយ នៃគោលដៅចំនួនកុមារដែលត្រូវចាក់វ៉ាក់សាំង ទូទាំងប្រទេស៕