ភ្នំពេញ ៖ ឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានបញ្ជាក់ឱ្យដឹងថា នៅថ្ងៃទី០២ ខែឧសភា ឆ្នាំ២០២២ សមត្ថកិច្ចនគរបាលទូទាំងប្រទេស បានត្រួតពិនិត្យ និងផាកពិន័យ យានយន្តសរុបចំនួន ៣៦៩គ្រឿង ក្នុងនោះមានម៉ូតូ ៣៣១គ្រឿង និងរថយន្ត ៣៨គ្រឿង។

អ្នកនាំពាក្យអគ្គស្នងការដ្ឋាននគរបាលជាតិ បានឱ្យដឹងទៀតថា គិតថ្ងៃទី០២ ខែឧសភា ក្នុងឆ្នាំ២០២២ នគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន ៧២,៤៧៨គ្រឿង ក្នុងនោះមានម៉ូតូ ៥៦,០៥៧គ្រឿង និងរថយន្តគ្រប់ប្រភេទ ១៦,៤២១គ្រឿង ។

ឧត្តមសេនីយ៍ឯក ឆាយ គឹមខឿន បានបន្តថា ចំពោះបទល្មើសដែលត្រូវបានកត់សម្គាល់សម្រាប់ម៉ូតូ គឺភាគច្រើនអត់មួក អត់ស្លាកលេខ ល្មើសសញ្ញា និងលើសចំណុះជាដើម។ ដោយឡែករថយន្តល្បឿន ល្មើសសញ្ញា ខ្សែក្រវ៉ាត់ លើសចំណុះ និងទូរស័ព្ទជាដើម ៕ ដោយ ប៊ុនធី