តួលេខនៃចំនួនអ្នកធ្វើដំណើរតាមផ្លូវអាកាស​មកកម្ពុជាបានកើនឡើងដូចដើមវិញហើយ យោងតាមតួលេខមួយកាលពីខែមេសាកន្លងមកនេះ។ មន្ត្រីនាំពាក្យអាកាសចរណ៍ស៊ីវិល លោក ស៊ិន ចាន់សិរីវុត្ថា ត្រូវបានគេដកស្រង់សម្តីដែលបញ្ជាក់ថាក្នុងរយៈពេលពេញមួយខែ មេសាឆ្នាំ២០២២កន្លងមកនេះ តួលេខអ្នកធ្វើដំណើរតាមផ្លូវអាកាស តាមរយៈអាកាសយានដ្ឋានអន្តរជាតិទាំង៣របស់កម្ពុជា មានចំនួនជាង១២ម៉ឺននាក់ ដែលកើនឡើងជាង៥០០% បើប្រៀបធៀបរយៈពេលខែមេសានេះទៅនឹងខែមេសាឆ្នាំ២០២១។

លោកបានថ្លែងដែរថា នៅជាមួយគ្នានេះ តម្លៃសំបុត្រយន្តហោះក្នុងតំបន់ ក៏ធ្លាក់ចុះមកធម្មតាវិញដែរ។ យោងតាមរបាយការណ៍ ក្នុងរយៈពេលមួយខែមេសានេះ ជើងហោះហើរមានចំនួន ១ពាន់៧១២ជើង ដែល កើនឡើងជាង៩០០ជើង បើធៀបនឹង ឆ្នាំ២០២១ ដែលមានត្រឹមតែ៨០៦ជើងប៉ុណ្ណោះ។