យូអិន៖ អគ្គលេខាធិការអង្គការសហប្រជាជាតិ បានអំពាវនាវឱ្យមានការស៊ើបអង្កេតដោយ ឯករាជ្យ និងតម្លាភាព លើការសម្លាប់អ្នកកាសែត Al Jazeera គឺលោកស្រី Shireen Abu Akleh។

លោកស្រី អាប៊ូ អាកឡេហ៍ អាយុ៥១ឆ្នាំ ជាជនជាតិប៉ាឡេស្ទីន-អាមេរិកាំង និងជាគ្រិស្តសាសនិកម្នាក់ ត្រូវបានបាញ់សម្លាប់ កាលពីថ្ងៃពុធ ទី១១ ឧសភា ខណៈ កំពុងរាយការណ៍អំពីប្រតិបត្តិការវាយឆ្មក់របស់កងកម្លាំងអ៊ីស្រាអែល នៅឯតំបន់ West Bank។ អ្នកផលិតព័ត៌មាន Al Jazeera ម្នាក់ទៀត ក៏បានរងរបួសនៅក្នុងឧបទ្ទវហេតុនេះដែរ។

ភ្លាមៗ សេចក្តីថ្លែងការណ៍របស់ លោក Antonio Guterres អគ្គលេខាធិការអង្គការសហប្រជាជាតិ បានថ្កោលទោសរាល់ការវាយប្រហារ និងការសម្លាប់អ្នកកាសែត ដោយលើកឡើងថា អ្នកកាសែតមិនគួរក្លាយជាគោលដៅ នៃអំពើហិង្សាឡើយ៕ ប្រែសម្រួល៖ សារ៉ាត