ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីរបស់លោកអ្នកក្នុងថ្ងៃនេះស្រុតចុះ។ សូមកុំទាន់ធ្វើប្រតិបត្តិការការងារនៅក្នុងថ្ងៃនេះ ពីព្រោះលោកអ្នកកំពុងជួបបញ្ហាច្រើន។ ក្នុងនោះអ្វីដែលកាន់តែអាក្រក់គឺអ្នកអាចនឹងមានការទាស់ ទែងគ្នា ឬមានរឿងអាស្រូវដែលខ្លាំង។ ក្នុងនោះសូមកំណត់ទំនាក់ទំនងរបស់អ្នកជាមួយថ្នាក់ លើ និងមិត្តរួមការងារក្នុងការពិភាក្សាបញ្ហាសំខាន់ៗរបស់អាជីព។ ក្រៅពីនេះ សូមលោកអ្នកចាប់ផ្តើមអនុវត្តផែនការការងារប្រកបដោយគំនិតច្នៃប្រឌិត។ បោះបង់ការសង្ស័យ និងព្រួយ បារម្ភចំពោះហេតុការណ៍ដែលបានកើតឡើង។ វាប្រហែលជាអ្វីដែលអ្នកកំពុងព្រួយមិន ទាំងមានរូបរាងផង។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។​ រាសីលោកអ្នកក្នុងថ្ងៃនេះឡើងខ្ពស់ត្រដែត។ ថ្ងៃនេះជារយៈពេលដ៏ល្អក្នុងការបញ្ចប់កិច្ចព្រមព្រៀងពាណិជ្ជកម្ម និងជំនួញអចលនទ្រព្យនានា។ អ្នកពិតជាអាចសម្រេចបាននូវលក្ខខណ្ឌ ល្អបំផុតសម្រាប់ខ្លួនឯង។ ក្នុងនោះសូមធ្វើយ៉ាងណាជៀសវាងឲ្យផុតពីការធ្វើការរិះគន់ចំពោះខ្លួនឯង។ លោកអ្នកពិតជាអាចដោះស្រាយបញ្ហាដោយងាយស្រួល ប្រសិនបើអ្នកមិនបៀតបៀនខ្លួនឯង ដោយការសង្ស័យដែលមិនចាំបាច់។ លើសពីនេះ លោកអ្នកទទួលបាន នូវការចល័តគំនិតដ៏រស់រវើក ហើយក៏ទំនងជាមិនចាំបាច់ចំណាយពេលច្រើនដើម្បីប្រមូល យកពត៌មាននោះទេ។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីរបស់លោកអ្នកក្នុងថ្ងៃនេះឡើងខ្ពស់ត្រដែត។ ថ្ងៃនេះជារយៈពេលដ៏ល្អប្រសើរបំផុតសម្រាប់ធ្វើជំនួញពាណិជ្ជកម្ម ការបើកហាងថ្មី ការធ្វើបណ្តាក់ទុន និងប្រើប្រាស់លុយកាក់សម្រាប់  អាជីព។ ប៉ុន្តែលោកអ្នកក៏មិនគួរចាប់យកការងារទាំងឡាយណាដែលឆ្ងាយពីលទ្ធភាព និងវិជ្ជាជីវៈរបស់ខ្លួនដែរ ដោយសារវានឹងផ្តល់ការលំបាកដល់អ្នកច្រើន។ យកល្អផ្តោតតែចំពោះការងារមួយ ហើយចំណាយពេលឲ្យបានគ្រប់គ្រាន់លើវា នោះនឹងប្រសើរបំផុត។ លើសពីនេះ លោកអ្នកអាចធ្វើទំនាក់ទំនងដ៏ល្អជាមួយមនុស្សថា្នក់លើ ហើយក៏អាចក្តោបក្តាប់ស្ថាន ការណ៍បានយ៉ាងល្អឥតខ្ចោះផងដែរ។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីរបស់លោកអ្នកឡើងខ្ពស់ត្រដែត។ ថ្ងៃនេះជាពេលវេលាល្អបំផុតសម្រាប់ធ្វើការងារក្នុង វិស័យវប្បធម៌។ សូមសាកល្បងបង្ហាញសមត្ថភាពច្នៃប្រឌិតរបស់អ្នកក៏បានភ្លឺថ្លាតាមដែលអាចធ្វើទៅបាន។ ក្រៅពីនេះទាំងអារម្មណ៍ខាងក្នុង និងស្ថានភាពខាងក្រៅរបស់អ្នកមានភាព វិជ្ជមានខ្លាំងណាស់ ដូច្នេះមិនមានស្ថានភាពលំបាកណាមួយនឹងកើតឡើងចំពោះលោកអ្នក នោះទេ។ ប៉ុន្តែស្របពេលនេះ ក៏តម្រូវឲ្យលោកអ្នកមានការអត់ធ្មត់ឲ្យបានច្រើនបំផុត។ កុំចូលរួមក្នុងក្រុមប្រសិនបើមិនមែនជាការងារចាំបាច់នោះទេ។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ រាសីលោកអ្នកក្នុងថ្ងៃនេះល្អជាមធ្យម។ រាល់ការងារទាំងឡាយនៅក្នុងពេលនេះ ហាក់ស្ថិត នៅត្រង់ចំណុចកណ្តាល លោកអ្នកអាចទទួលបានផលប្រយោជន៍ធំ ប៉ុន្តែបើមិនប្រយោជន៍ក៏ត្រូវបាត់បង់ ឬនឹងជួបផលលំបាកដ៏ខ្លាំងក្លាផងដែរ។ ទោះបីក្នុងជំហានណាមួយក្តី លោកអ្នកមិនអាចធ្វើការប្រថុយប្រថាន ឬបោះបង់គម្រោងផែនការទៅស្រវ៉ាស្ថានភាពថ្មីៗដែលកំពុងកើតឡើងចំពោះមុខអ្នកបានទាំងអស់នោះទេ។ ក្នុងលក្ខខណ្ឌនេះ ការពិចារណា និងការសម្រេចចិត្តដ៏ម៉តង់ចត់ គឺត្រូវតែធ្វើជាដាច់ខាត។ ចំណុចសំខាន់ ប្រសិនបើអ្នកកំពុងជួប ការមិនពេញចិត្តខាងវិជ្ជាជីវៈ គួររកវិធីចែករំលែកវា។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីរបស់លោកអ្នកល្អជាមធ្យម។ ហោរាសាស្រ្តអាជីពមិនបានរកឃើញនូវបញ្ហាដ៏ធ្ងន់ធ្ងរដែលអាចកើតឡើងក្នុងពេលនេះនោះទេ ដូច្នេះចូរលៃតម្រូវឲ្យមានភាពវិជ្ជមាន ហើយចាប់ផ្តើមបំពេញការងារពីពេលព្រឹក និងត្រូវធ្វើឲ្យតុរបស់អ្នកមានសណ្តាប់ធ្នាប់ល្អ។ ប្រសិនជាអ្នកអាចធ្វើបានដូច្នេះ អ្នកនឹងអាចប្រមូលគំនិតបានល្អ ហើយឆ្លើយតបទៅនឹងការងារក៏រឹត តែត្រឹមត្រូវ។ ក្រៅពីនេះ ស្ថានភាពរបស់អ្នកក៏អាចនឹងត្រូវបានការពិនិត្យតាមដានផងដែរ ដូច្នេះធ្វើយ៉ាងណាកុំបង្កើតកំហុសណាមួយឡើយ។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីរបស់លោកអ្នកស្រុតចុះ។ សូមកុំចាប់ផ្តើមអនុវត្តការងារសំខាន់ក្នុងពេលនេះ ពីព្រោះផល រំខានពីខាងក្រៅមានសញ្ញាណធំណាស់។ អ្នកអាចនឹងធ្លាក់ខ្លួនទៅក្នុងរឿងអាស្រូវបានដោយងាយ ដូច្នេះយកល្អសូមកំណត់ការចូលរួម ការនិយាយស្តី និងទំនាក់ទំនងជាទូទៅ។ អ្នកអាចនឹងចូលរួមការប្រជុំពិភាក្សា នោះត្រាតែការងារនោះគឺអ្នកមិនអាចគេចបានតែប៉ុណ្ណោះ។ ចំពោះការស្នើចាកចេញសម្រាប់ការធ្វើបេសកកម្មអាជីវកម្ម សូមធ្វើការបដិសេធ សិន ហើយរកចាំឳកាសល្អនៅពេលក្រោយ។ ក្រៅពីនេះ ការពិនិត្យទៅលើដំណើរការការងារអាចនឹងកើតឡើងនៅខែក្រោយ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ រាល់អាជីពទាំងឡាយគឺត្រូវបានធានាថានឹង ជួបភាពចម្រើនលូតលាស់ធំ។ លោកអ្នកមិនចាំបាច់ខ្វាយខ្វល់រឿងលុយកាក់ និងដើមទុនដែលអ្នកត្រូវដាក់ចេញនោះទេ ដោយសារគ្មានមន្ទិលណាមួយនឹងមករំខានភាពជោគជ័យនេះបានឡើយ។ សូមទុកចិត្តលើភាពឆ្លាតវៃរបស់ខ្លួនឯង ហើយគោរពទៅលើការងាររបស់ មនុស្សរួមក្រុម។ ដូចគ្នាដែរ ចំពោះការធ្វើទំនាក់ទំនងអាចនឹងធ្វើទៅបានដោយរលូន។ ក្នុងខណៈដែលលោកអ្នកត្រូវការជំនួយក៏កាន់តែប្រសើរ ដោយសារពួកគេអាចនឹងជ្រោមជ្រែង លោកអ្នកដោយអស់ពីចិត្តតែម្តង។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកថ្ងៃនេះឡើងខ្ពស់ត្រដែត។ ហោរាសាស្រ្តអាជីពបង្ហាញថាលោកអ្នកនឹងអាចអនុវត្តរាល់ការងារដែលអ្នកប៉ងប្រាថ្នាបានដោយជោគជ័យ។ ថ្ងៃចំណុចសំខាន់ទាក់ទងនឹង ភាពល្អប្រសើរក្នុងពេលនេះ គឺសូមកុំចំណាយពេលវេលាចោយដោយងាយ កុំសម្រាកមុនម៉ោងពេល។​ លើសពីនេះ សូមកុំបណ្តោយចិត្តគំនិតរបស់អ្នកឲ្យទទួលយកការផ្តល់ជូនដែល គ្មានភាពច្បាស់លាស់។ កុំលង់ក្នុងពាក្យសំដីផ្អែម និងផុងខ្លួនក្នុងចំណោមនុស្សដែលអ្នក មិនស្គាល់ច្បាស់។ ក្រៅពីនេះ លោកអ្នកអាចគាំទ្រមតិយោបល់របស់ខ្លួន ហើយក៏អាចទាញយក ប្រជាប្រិយភាពបានយ៉ាងងាយផងដែរ។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ លោកអ្នកនឹងទទួលបានពត៌មានដែលគួរឲ្យចាប់អារម្មណ៍ជាច្រើននៅពេលល្ងាច។ សូមមានមោទនភាពចំពោះកិច្ចខិតខំប្រឹងប្រែង របស់ខ្លួនឯងក្នុងពេលកន្លងមក ពិសេសលើការសម្របខ្លួនទៅតាមស្ថានភាពដែលបានកើត ឡើង។ ក្រៅពីនេះ អ្នកនឹងអាចវាស់ស្ទង់លើភាពប្រែប្រួលថ្មីៗនេះបានយ៉ាងល្អប្រសើណាស់។ អាស្រ័យទៅលើអំណោយផលក្នុងពេលនេះ សូមកុំមានភាពយឺតយ៉ាវក្នុងការអនុវត្តការងារ ដែលអ្នកប៉ងប្រាថ្នា។ បន្ថែមពីនេះ ប្រសិនជាអ្នកអាចភ្ជាប់ការងារជាមួយគំនិតច្នៃប្រឌិត គឺកាន់តែប្រសើរ។

ឆ្នាំច

សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកក្នុងថ្ងៃនេះល្អមធ្យម។ សូមព្យាយាមកុំឆ្លើយតបចំពោះហេតុការណ៍ថ្មីៗដែល បានកើតឡើង ពីព្រោះវាហាក់ដូចជាមានឥទ្ធិពលធំសំបើមណាស់។ ដូច្នេះវានឹងប្រសើរជាង ប្រសិនបើអ្នកបណ្តោយឲ្យស្ថានភាពដ៏ពុះពោរទាំងឡាយនឹងរសាយទៅតាមពេលវេលា។ ក្នុងនោះ អ្នកគួរតែដើរចេញពីស្ថានភាពតឹងតែងទាំងឡាយ រក្សាភាពស្ងៀមស្ងាត់​ ហើយប្រសិនបើអ្នកមិនអាចជៀសផុតនោះទេ គឺសូមនិយាយតែអំពីអ្វីដែលពិត និងមានអំណេះអំណាងប៉ុណ្ណោះ។  ក្រៅពីនេះ ហោរាសាស្រ្តអាជីពណែនំាលោកអ្នកមិនឲ្យភ្លេចពីភាព បរាជ័យថ្មីៗនេះឲ្យសោះ។ ចំពោះភាពជោគជ័យធំដុំ គឺតម្រូវលើការខិតខំប្រឹងប្រែង។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះស្រុតចុះ។ ការងាររបស់អ្នកអាចនឹងជួបភាពរឹងស្ទះច្រើន ពិសេសទៅលើការធ្វើទំនាក់ទំនងតែម្តង។ ប្រហែលជាអ្នកគួរពិនិត្យរាល់ពាក្យសំដីដែលអ្នក នឹងត្រូវនិយាយ។ ធ្វើយ៉ាងណាកុំនិយាយ ប្រសិនបើសំដីនោះនឹងអាចធ្វើឲ្យនរណាម្នាក់មាន ភាពឈឺចាប់ ឬអាក់អន់ក្នុងចិត្ត។ លើសពីនេះ សូមកុំភ្ជាប់សារសំខាន់ទៅនឹងការបរាជ័យតូច តាចដែលអាចនឹងកើតឡើងនៅលើផ្លូវរបស់អ្នក។ ប្រសិនបើអ្នកមានការហត់នឿយ សូមរក ពេលវេលាសម្រាកខ្លះបាន។ ដោយឡែក​ លោកអ្នកទទួលបានអំណោយផលក្នុងការជួសជុលស្ថានការណ៍។  

ចំណាំ៖

ឆ្នាំទាំង៦ ឆ្លូវ ខាល ថោះ មមែ វក រកា រាសីឡើងខ្ពស់ត្រដែត។ ថ្ងៃនេះជាថ្ងៃលាភ ថ្ងៃជ័យដ៏ធំសម្រាប់អាជីពរបស់អ្នក។​