តូក្យូ៖ ប្រធានាធិបតីអាមេរិកលោក ចូ បៃដិន នៅថ្ងៃចន្ទថ្លែងថា លោក មិន ជឿថា ករណីផ្ទុះឡើងនៃជំងឺអុតស្វា អាចមាន គ្រោះថ្នាក់ដូច ជំងឺរាតត្បាត Covid-19 នោះទេ។

លោក បៃដិន បានបញ្ជាក់ក្នុងកំលុងពេលធ្វើទស្សនកិច្ច នៅទីក្រុង តូក្យូ ថា យើងកើតមានជំងឺអុតស្វានេះ ក្នុងចំនួនដ៏ច្រើនលើស លប់ កាលពីអតីតកាល។ យើងមានវ៉ាក់សាំងបង្ការជំងឺនេះ។ ខ្ញុំមិនគិតថា វាកើនឡើងដល់កម្រិត នៃការព្រួយបារម្ភដែលមានជាមួយជំងឺ Covid-19 នោះទេ។ ទោះបីជាយ៉ាងណាក៏ដោយ លោក បៃដិន បានសង្កត់ធ្ងន់ថា មនុស្សគ្រប់គ្នាគួរតែមានការប្រុងប្រយ័ត្ន។

កាលពីថ្ងៃអាទិត្យចុងសប្តាហ៍មុននេះ លោក ចូ បៃដិន បាននិយាយ ថា មនុស្សគ្រប់រូបគួរតែព្រួយបារម្ភអំពីការរីករាលដាលនៃជំងឺអុតស្វា ដោយលោកបានប្រាប់ទូរទស្សន៍ CNN ថា ពួកគេ (អ្នកជំនាញ) មិនទាន់ប្រាប់ខ្ញុំពីកម្រិតនៃការប៉ះពាល់នៅឡើយទេ។ ប៉ុន្តែវាគឺជាអ្វី ដែលគ្រប់គ្នាគួរព្រួយបារម្ភ៕
ប្រភព៖ CNN ប្រែសម្រួល៖ ទីណា និងបុត្រា