អ្នកចាត់ការថ្មីលោក Erik Ten Hag បានប្តេជ្ញាថា នឹងបញ្ចប់ក្រុមខ្លាំង Manchester City និង Liverpool នៅលីគអង់គ្លេស បន្ទាប់ពីបានចូលកាន់តំណែងជាគ្រូបង្វឹក Manchester United ជាផ្លូវការ។

អតីតគ្រូបង្វឹក Ajax វ័យ ៥២ ឆ្នាំបានបង្ហាញខ្លួនជាផ្លូវការនៅ Old Trafford ហើយភ្លាមៗនោះបានកំណត់យុទ្ធសាស្ត្រ សម្រាប់រដូវកាលថ្មី ដើម្បីប្រជែងជាមួយក្រុមខ្លាំងៗ ។

តើវាអាចទៅរួចទេ ខណៈលោក Pep Guardiola និង Jurgen Klopp បន្តកាន់តំណែងដឹកនាំក្រុមដ៏អស្ចារ្យនោះ Ten Hag បាននិយាយថា “ខ្ញុំគិតថា Liverpool និង Manchester City មានទម្រង់លេងបាល់ទាត់ដ៏អស្ចារ្យ ប៉ុន្តែអ្នកនឹងឃើញយុគសម័យមួយមកដល់ទីបញ្ចប់ — ខ្ញុំកំពុងទន្ទឹងរង់ចាំការប្រយុទ្ធជាមួយពួកគេ ហើយនឹងនាំបិសាចក្រហម ឡើងទៅកំពូលវិញដូចអ្វីដែលខ្ញុំបានធ្វើនៅ Ajax ៕
ប្រភព ៖ Daily Mail Sport
សារ៉ាន ទីងី