អេ លីតភក្កី អះអាងថា ប៉ះកីឡាករថៃ រ៉ាំបុយ នឹងមិនធ្វើឲ្យអ្នកគាំទ្រគុនខ្មែរខកចិត្តនោះទេ
អេលីត ភក្តី អ្នកប្រដាល់ក្លិបនាយកដ្ឋានអង្គរក្សនៅថ្ងៃអាទិត្យទី១២ ខែមិថុនាខាងមុខនេះ នឹងត្រូវប៉ះជើងខ្លាំងថៃ រ៉ាំប៊ុយ ក្នុងជំនួបមិត្តភាពអន្តរជាតិ ក្នុងកម្មវិធីប្រដាល់ ដោយអ្នកឈ្នះនឹងទទួលបានថវិកាបន្ថែមពីលើតម្លៃខ្លួនចំនួន១លានរៀល។
អ្នកប្រដាល់ចិត្តសឿង វាយមិនថយ អេលីត ភក្តី អះអាងថា ការជួបអ្នកប្រដាល់ថៃរ៉ាំប៊ុយ នៅថ្ងៃអាទិត្យ ជាជំនួបមិត្តភាពអន្តរជាតិលើកទី៣ ក្រោយខកខានអស់រយៈពេលជាង២ឆ្នាំ ដោយសារវិបត្តិជំងឺកូវីដ១៩ ។
អេលីត ភក្កី អះអាងថា នឹងមិនធ្វើឲ្យអ្នកគាំទ្រគុនខ្មែរខកចិត្តឡើយ ខិតខំប្រឹងប្រែងប្រកួតឲ្យអស់ពីលទ្ធភាព បើទោះបីលទ្ធផលចាញ់ឬឈ្នះ។
សូមបញ្ជាក់ថា បន្ទាប់ពីបើកប្រទេសនិងបើកព្រំដែនកម្ពុជាថៃឡើងវិញ ក្រោយស្ថានភាពជំងឺកូវីដ១៩ធូស្រាល អ្នកប្រដាល់ចិត្តសឿង អេលីត ភក្តី បានទទួលការប្រកួតមិត្តភាពអន្តរជាតិ២លើករួចមកហើយ ចាញ់ទាំង២លើក និងចុងក្រោយចាញ់ម៉ាឡេស៊ីដោយពិន្ទុ ខណៈការប្រកួតមិត្តភាពអន្តរជាតិលើកទី៣ ជួបជើងខ្លាំងថៃ កីឡាករ រ៉ាំប៊ុយ៕ អត្ថបទៈ ជាវ ចន្ធូ