ភ្នំពេញ ៖ បុរសម្នាក់ដែលជាអតីតជាប្តី និងត្រូវបានគេស្គាល់ថា ជាមន្ដ្រីយោធា បានយកកាំភ្លើងបាញ់ប្រហារប្រពន្ធដោយកាំភ្លើងខ្លី បណ្ដាលឱ្យ ស្លាប់ភ្លាមៗក្នុងថ្លុកឈាម នៅរសៀលថ្ងៃទី១០ ខែមិថុនា ឆ្នាំ២០២២នេះ ស្ថិតនៅក្នុងផ្ទះ នាសង្កាត់ចាក់អង្រែ ក្រោម ខណ្ឌមានជ័យ រាជធានីភ្នំពេញ។

តាមសេចក្ដីរាយការណ៍ដំបូង បានឱ្យដឹងថា មូលហេតុនៃអំពើបាញ់ ប្រហារ ទៅលើប្រពន្ធនេះ ត្រូវបានគេអះអាងថា ដោយសារតែ កំសួលនៃភ្លើងប្រច័ណ្ឌ។

បន្ទាប់ពីបានធ្វើសកម្មភាពរួចខ្មាន់កាំភ្លើងរូបនេះក៏ត្រូវបានសមត្ថកិច្ច ចាប់ខ្លួន និងនាំទៅសួរនាំនៅប៉ុស្ដិ៍នគរបាលរដ្ឋបាលផងដែរ។ ដោយឡែកអត្តសញ្ញាណលំអិតទាក់ទងនឹងខ្មាន់កាំភ្លើង និង រឿងរ៉ាវពិតនៃគ្រួសារមួយនេះ មិនទាន់ត្រូវបានបញ្ជាក់នៅ ឡើយនោះ ទេ៕
ដោយ ៖ ឆៃហួត