ទំព័រដើមព័ត៌មានក្រសួងអប់រំ ក្រសួងទេសចរណ៍ សហការជាមួយស្ថានទូតឥណ្ឌាប្រចាំនៅកម្ពុជា រៀបចំព្រឹត្តិការណ៍ «ទិវាយោគៈអន្តរជា...

ក្រសួងអប់រំ ក្រសួងទេសចរណ៍ សហការជាមួយស្ថានទូតឥណ្ឌាប្រចាំនៅកម្ពុជា រៀបចំព្រឹត្តិការណ៍ «ទិវាយោគៈអន្តរជាតិលើកទី៨»

ភ្នំពេញ៖ ព្រឹត្តិការណ៍ «ទិវាយោគៈអន្តរជាតិលើកទី៨» ដែលរៀបចំដោយក្រសួងអប់រំ ក្រសួងទេសចរណ៍ សហការជាមួយស្ថានទូតឥណ្ឌាប្រចាំនៅកម្ពុជា នៅក្នុងបរិវេណទីធ្លា ស្តាតអូឡាំពិក នាព្រឹកថ្ងៃទី២៣ ខែមិថុនា ឆ្នាំ២០២២នេះ ក្រោមអធិបតីឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា, ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ លោកស្រី ដេវ យ៉ានី ឃុបាហ្គាដ ឯកអគ្គរដ្ឋទូតឥណ្ឌាប្រចាំនៅកម្ពុជា និងមានអ្នកចូលរួមប្រមាណជាង៥០០នាក់ ។

ថ្លែងនាឱកាសនោះឯកឧត្តម ហង់ ជួនណារ៉ុន បានវាយតម្លៃខ្ពស់លើកម្ពស់កិច្ចសហការរៀបចំទិវានេះ ដើម្បីជួយលើកកម្ពស់កាហាត់យោគៈនៅកម្ពុជា ពិសេសការហាត់ក្នុងការដកដង្ហើម ភាពអត់ធ្មត់ និងជួយពង្រឹងនូវកាយយសម្បទារឹងមាំ ពង្រឹងនូវផ្នែកផ្លូវចិត្ត ជាពិសេសឱ្យមានភាពអត់ធ្មត់ មានកាយសម្បទាទន់ភ្លន់ និងរឹងមាំ ហើយកាហាត់យោគៈ គឺជាការផ្សារភ្ជាប់រវាងរឿងកាយរបស់ ចិត្តគំនិតទៅជាមួយនឹងពិភពខាងក្រៅផងដែរ។

លោកស្រី ដេវ យ៉ានី ឃុបាហ្គាដ បានលើកដែរថា ព្រឹត្តិការណ៍យោគៈអន្តរជាតិ បានប្រារព្ធធ្វើឡើងនៅទូទាំងពិភពលោក ប្រកបដោយភាពរីករាយ។ យោគៈ ជាសិល្បៈ និងវិជ្ជានៃការរស់នៅប្រកបដោយសុខភាពល្អ ដែលនាំឱ្យមានភាពសុខដុមល្អឥតខ្ចោះរវាងចិត្ត រូបមនុស្ស និងធម្មជាតិ និងការដឹងជាសកល។

ជាមួយគ្នានោះដែរឯកឧត្តម ប៉ាក់ សុខុម បានលើកឡើងដែរថា ក្រសួងទេសចរណ៍ បានសហការជាមួយស្ថានទូតឥណ្ឌាប្រចាំនៅកម្ពុជា បានរៀបចំទិវាយយគៈអន្តរជាតិ និងទទួលបានជោគជ័យ៦ លើករួចមកហើយ នៅគ្រប់គោលដៅទេសចរណ៍ដ៏ពេញនិយមចំនួន៤ គឺរាជធានីភ្នំពេញ, ខេត្តសៀមរាប, ខេត្តព្រះសីហនុ, នៅខេត្តបាត់ដំបង។ លំហាត់ប្រាណយោគៈ គឺមានអត្ថប្រយោជន៍ទ្វេដង ដើម្បីសារពាង្គកាយកាយមាំមួន កាយសម្បទារឹងមាំ ហើយកាត់បន្ថយភាពតានតឹងផ្លូវចិត្ត និងរក្សាបាននូវសុខភាពសុវត្ថិភាពក៏ដូចជាការចូលរួមទប់ស្កាត់ជំងឺឆ្លងដ៏កាចសាហាវ។ ឯកឧត្តមប៉ាក់ សុខុម បានបន្តថា ព្រឹត្តិការណ៍នេះកម្ពុជាចូលរួមអបអរសាទរជាមួយបណ្ដាប្រជាជាតិនានា លើពិភពលោក ឲ្យបានស្គាល់កម្ពុជា និងឥណ្ឌាកាន់តែច្បាស់ ក៏ដូចជាចូលរួមផ្សព្វផ្សាយ អំពីការបើកប្រទេសឡើងវិញនៃវិស័យទេសចរណ៍របស់កម្ពុជាឡើងវិញផងដែរ៕ ចាន់ វិចិត្រ

- Advertisement -spot_img
spot_img
ចាន់ វិចិត្រ
ចាន់ វិចិត្រ
បន្ថែមពីលើជំនាញផ្នែកកាត់ត ក៏អាចថត សរសេរអត្ថបទ បញ្ចូលសម្លេង និងជាពិធីករបានយ៉ាងស្ទាត់ជំនាញ។ បច្ចុប្បន្ន លោកក៏បានបង្កើតកម្មវិធីកីឡាថ្មី២បន្ថែម សម្រាប់ទូរទស្សន៍អប្សរា និងបណ្តាញផ្សព្វផ្សាយសង្គមផងដេរ។

ព័ត៌មានជាប់ទាក់ទង

- Advertisement -spot_img

អត្ថបទវិភាគ

ព័ត៌មានថ្មី

- Advertisement -spot_imgspot_img

ព័ត៌មានពេញនិយម