បាងកក៖ រាជរដ្ឋាភិបាលថៃកំពុងធ្វើផែនការបង្កើតផ្លូវរថយន្តក្រុង ភ្ជាប់ទៅប្រទេសឡាវនិងវៀតណាមជាផ្នែកមួយនៃការជំរុញវិស័យទេសចរណ៍។

ផ្លូវឡានក្រុង ប្រវែង៣០០គីឡូម៉ែត្រនេះនឹងភ្ជាប់ពីខេត្ត Nakhon Phanom ភាគខាងជើងប្រទេសថៃ ទៅទីប្រជុំជន Thakhek ភាគខាងត្បូងប្រទេសឡាវ និង ខេត្ត Ha Tinh តំបន់ភាគ កណ្តាលប្រទេសវៀតណាម ។នេះបើតាមការចេញផ្សាយរបស់ The Laotian Times ។

ក្រសួងដឹកជញ្ជូនថៃបានបញ្ជាក់ថ្មីៗនេះថា ខ្លួនកំពុងព្យាយាម ពន្លឿនដំណើរការបើកផ្លូវ រួមទាំងស្នើឱ្យឡាវធ្វើជាម្ចាស់ផ្ទះនៃ កិច្ចប្រជុំក្រុម ការងារត្រីភាគីលើកទីពីរឱ្យបានឆាប់តាមដែលអាច ធ្វើទៅបាន ដើម្បីពិភាក្សាអំពីគំរូសេវាកម្ម និងធ្វើកិច្ចព្រមព្រៀង ជាផ្លូវការ៕
ប្រែសម្រួល៖ សារ៉ាត