បាងកក៖ នាថ្ងៃទី១៧ កក្កដា ២០២២នេះ ក្រសួងសុខាភិបាលថៃបានអញ្ជើញអភិបាលរាជធានីបាងកក ប្រជុំបន្ទាន់ ដើម្បីប្រុងប្រៀបដាក់ចេញវិធានការថ្មី ទប់ទល់នឹងរលកថ្មី នៃកូវីដ១៩ ក្នុងក្រុង។

រដ្ឋមន្ត្រី ក្រសួងសុខាភិបាល Kiattiphum Wongrajit បាននិយាយថា មន្ទីរពេទ្យក្នុងក្រុងបាងកកបានរាយការណ៍ការថា មានអ្នកជំងឺកូវីដ១៩ ថ្មីៗ ចំនួនជាង ១ពាន់នាក់ ជាប្រចាំថ្ងៃ ដូច្នេះ ចាំបាច់ត្រូវមានការប្រុងប្រៀប ឆ្លើយតបនឹងរលកថ្មីដែលអាចកើតមាន។

លោកថា អភិបាលក្រុងបាងកក Chadchart Sittipunt នឹងចូលរួមប្រជុំ នៅថ្ងៃចន្ទក្រោយ ដែលដឹកនាំដោយគណៈកម្មាការប្រតបត្តិការសុខាភិបាលបន្ទាន់៕ ប្រភពពីបាងកកប៉ុស្តិ៍, ប្រែសម្រួលដោយ៖ សារ៉ាត