គណបក្សប្រជាជនកម្ពុជា បានចេញសេចក្តីជូនដំណឹង​ស្ដីពីលទ្ធផលនៃសន្និបាតគណៈកម្មាធិការ​កណ្តាលវិសាមញ្ញដែលបានប្រព្រឹត្តិទៅរយ:ពេលពីរថ្ងៃកន្លងមកនេះ​អង្គសន្និបាត គណៈកម្មាធិការកណ្តាល វិសាមញ្ញ របស់គណបក្សប្រជាជនកម្ពុជា គាំទ្រទាំងស្រុងសំណើរវិសោធនកម្ម លើកទី១០ នៃរដ្ឋធម្មនុញ្ញនៃព្រះរាជាណាចក្រកម្ពុជា សំដៅបម្រើឧត្តមប្រយោជន៍របស់ជាតិ គឺទី១-ការធានាឱ្យស្ថាប័នកំពូលរបស់ជាតិ ជាពិសេសអំណាចនីតិប្រតិបត្តិ ដែលមានបេសកកម្មចម្បង ក្នុងការដឹកនាំការងារទូទៅរបស់រដ្ឋ មានដំណើរការប្រព្រឹត្តទៅដោយរលូន និងប្រកបដោយនិរន្តរភាពនៅគ្រប់កាលៈទេសៈ និងទី២-ការធានាការពារ និងថែរក្សាឱ្យបាននូវសន្តិភាព សន្តិសុខសង្គម សណ្តាប់ធ្នាប់សាធារណៈ និងស្ថិរភាពនយោបាយរបស់ប្រទេសជាតិ នៅគ្រប់កាលៈទេសៈ ដើម្បីជាគ្រឹះសម្រាប់ការអភិវឌ្ឍប្រទេសជាតិលើគ្រប់វិស័យ និងសេចក្តីសុខសាន្តរបស់ប្រជាជនកម្ពុជា។