សម្តេចក្រឡាហោម ស ខេង ដឹកនាំកិច្ចប្រជុំស្តាប់របាយ
ការណ៍ស្តីពីប្រព័ន្ធហិរញ្ញវត្ថុសាធារណៈដែលបាន ព្រាង ឡើងដោយក្រសួងសេដ្ឋកិច្ចនិងហិរញ្ញវត្ថុ

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៅរសៀលថ្ងៃទី២១ខែកក្កដាឆ្នាំ២០២២ បានអញ្ជើញដឹកនាំកិច្ចប្រជុំស្ដាប់របាយការណ៍ស្ដីពី ទិដ្ឋភាព បច្ចេកទេសហិរញ្ញវត្ថុ នៃសេចក្ដីព្រាងច្បាប់ ស្ដីពី ប្រព័ន្ធហិរញ្ញវត្ថុសាធារណៈ ដែលបានព្រាងឡើងដោយ ក្រសួងសេដ្ឋកិច្ច និងហិរញ្ញវត្ថុ ។

កិច្ចប្រជុំនេះបានប្រារព្ធឡើងនៅទីស្ដីការក្រសួងមហាផ្ទៃ ដោយមានការអញ្ជើញចូលរួមពី ឯកឧត្តមរដ្ឋលេខាធិការ ប្រចាំការ ឯកឧត្តម លោកជំទាវរដ្ឋលេខាធិការ អនុរដ្ឋលេខា ធិការ អគ្គនាយក និងមន្ត្រីជាន់ខ្ពស់ក្រសួងមហាផ្ទៃជា ច្រើន រូប៕
ដោយ៖រ៉ាវុធ