បរទេស៖ ធនាគារពិភពលោកបានឲ្យដឹងថា ខ្លួនមិនមានគម្រោងផ្តល់ហិរញ្ញប្បទានថ្មីដល់ប្រទេសស្រីលង្កា ដែលកំពុងប្រយុទ្ធនឹងវិបត្តិសេដ្ឋកិច្ចដ៏អាក្រក់បំផុតរបស់ខ្លួន ក្នុងប៉ុន្មានទសវត្សរ៍កន្លងមកនេះទេ រហូតទាល់តែប្រទេសស្ថិតនៅមហាសមុទ្រឥណ្ឌាមួយនេះ មានក្របខ័ណ្ឌគោលនយោបាយម៉ាក្រូសេដ្ឋកិច្ចគ្រប់គ្រាន់។

តាមរយៈសេចក្តីថ្លែងការណ៍មួយចេញផ្សាយ កាលពីថ្ងៃទី២៨ កក្កដា ២០២២ ធនាគារពិភពលោកបានឲ្យដឹងថា ប្រទេសស្រីលង្កាចាំបាច់ត្រូវអនុម័តកំណែទម្រង់រចនាសម្ព័ន្ធ ដែលផ្តោតលើស្ថិរភាពសេដ្ឋកិច្ច និងដោះស្រាយបញ្ហាឫសគល់នៃវិបត្តិរបស់ខ្លួន ដែលបានបង្អត់ការប្តូរប្រាក់បរទេស និងនាំឱ្យមានការខ្វះខាតស្បៀងអាហារ ប្រេងឥន្ធនៈ និងថ្នាំពេទ្យ ។

ធនាគារនេះបានបន្តថា «ក្រុមធនាគារពិភពលោកមានការព្រួយបារម្ភយ៉ាងខ្លាំងអំពីស្ថានភាពសេដ្ឋកិច្ចធ្ងន់ធ្ងរ និងឥទ្ធិពលរបស់វាមកលើប្រជាជនស្រីលង្កា»។ ធនាគារនេះកំពុងរៀបចំធនធានឡើងវិញក្រោមកម្ចីដែលមានស្រាប់ ដើម្បីជួយកាត់បន្ថយការខ្វះខាតសម្ភារសំខាន់ៗដូចជាថ្នាំពេទ្យ ហ្គាស ជី អាហារសម្រាប់កុមារ និងសាច់ប្រាក់សម្រាប់គ្រួសារងាយរងគ្រោះ ។

ធនាគារបាននិយាយថា ខ្លួនកំពុងធ្វើការយ៉ាងជិតស្និទ្ធដើម្បីបង្កើតការត្រួតពិនិត្យ និងការត្រួតពិនិត្យដោយស្មោះត្រង់ ដើម្បីធានាបាននូវការចែកចាយដោយយុត្តិធម៌៕ ប្រភពពី CNA , ប្រែសម្រួលដោយ៖ សារ៉ាត