កូនសិស្សខ្មែរចំនួន៤៨រូបដែលដណ្តើមបានមេដាយមាស ប្រាក់ និងសំរឹទ្ធ ពីការប្រកួតភាសាអង់គ្លេស នៅចក្រភពអង់គ្លេស បានវិលត្រឡប់មកដល់ប្រទេសវិញជាមួយនឹងមោទនភាព។

កម្មវីធី Teeneagle Competition គឺជាកម្មវិធីប្រកួតប្រជែងកំរិតភាសាអង់គ្លេស លំដាប់ អន្តរជាតិដ៏ធំ នៅសកលវិទ្យាល័យ Brunel University ទីក្រុង London នៃចក្រភពអង់គ្លេស។ កូនសិស្សខ្មែរទាំង៤៨រូប បានវិលត្រឡប់មកដល់ប្រទេសកម្ពុជាវិញហើយ នៅយប់ថ្ងៃទី០៨ ខែសីហា ឆ្នាំ២០២២ ដោយបាននាំមកនូវកិត្តិយស និងមោទនភាពដ៏ក្រៃលែង សម្រាប់ខ្លួនឯង ក្រុមគ្រួសារនិងប្រទេសជាតិ។

ការប្រកួតប្រកួតប្រជែងកំរិតភាសាអង់គ្លេសកំរិតអន្តរជាតិដ៏ធំ ផ្តោតទៅលើ Writing Challenge, Spelling Bee, Persuasive Speaking, Talent Show, and Short Film នេះបេក្ខជនចូលរួមមានចំនួន៤១៦ និងមកពី ២១ប្រទេសជុំវិញពិភពលោក។

ជាលទ្ធផលសិស្សានុសិស្សកម្ពុជា ទទួលបានមេដាយមាសចំនួន ១១នាក់, មេដាយប្រាក់ចំនួន ១៩នាក់ មេដាយសំរិទ្ធចំនួន ១៨នាក់ មេដាយកិត្តិយសចំនួន ២៨នាក់ និងវិញ្ញាប័ណ្ណប័ត្រចូល រួមប្រឡងចំនួន ៥នាក់។