ភ្នំពេញ៖ ឧត្តមសេនីយ៍ឯក ឆាយ គឹមខឿន អគ្គស្នងការរង និង ជាអ្នកនាំពាក្យអគ្គស្នងការដ្ឋាននគរបាលជាតិ បានបញ្ជាក់ឱ្យដឹងថា នគរបាលទូទាំងប្រទេស បានត្រួតពិនិត្យ និងផាកពិន័យ យានយន្ត ល្មើសសរុបចំនួន ៥៩៩គ្រឿងទៀត នៅថ្ងៃទី១៥ ខែសីហា ក្នុងនោះ មានម៉ូតូ ៥១១គ្រឿង និងរថយន្ត ៨៨គ្រឿង។

បទល្មើសដែលត្រូវបានកត់សម្គាល់សម្រាប់ម៉ូតូរួមមាន៖ មិនមានមួកសុវត្ថិ, បើកបរក្នុងស្ថានភាពស្រវឹង ,អត់ស្លាកលេខ ។ ដោយឡែករថយន្ត គឺបើកលើសល្បឿនកំណត់ អត់ស្លាកលេខ មិនមានឆៀក និងមិនមានប័ណ្ណបើកបរជាដើម។

អ្នកនាំពាក្យរូបនេះបានបញ្ជាក់ថា សម្រាប់ថ្ងៃទី១៥ ខែសីហានេះដែរ គ្រោះថ្នាក់ចរាចរណ៍នៅទូទាំងប្រទេសកម្ពុជាបានកើតឡើងចំនួន ប្រាំ លើក បណ្តាលឱ្យស្លាប់ចំនួនប្រាំនាក់ របួសចំនួនបីនាក់ (របួសធ្ងន់ ០១នាក់)៕ ដោយ៖ ប៊ុនធី