បាងកក៖ អាជ្ញាធរទេសចរណ៍ថៃ (TAT) បានរាយការណ៍ថា ប្រទេសថៃបានស្វាគមន៍ភ្ញៀវទេសចរបរទេសជាង ៤លាននាក់ហើយ ចាប់ពីថ្ងៃទី ១ ខែមករាដល់ថ្ងៃទី១៦ ខែសីហា ឆ្នាំ២០២២ ។ លោក Yuthasak Supasorn ប្រធាន TAT បាននិយាយថា ភ្ញៀវទេសចរបរទេសចំនួន ៤,០១៥,៥០៤នាក់ បានមកទស្សនាប្រទេស ក្នុងរយៈពេលប្រាំពីរខែកន្លះ ខណៈដែលឆមាសទីមួយនៃខែសីហា មានការមកដល់ជាមធ្យមចំនួន ៤២០០០ នាក់ក្នុងមួយថ្ងៃ។

លោកថា វិស័យទេសចរណ៍បានងើបឡើងវិញក្នុងកម្រិតមួយដ៏ច្រើន បន្ទាប់ពីរដ្ឋាភិបាលបានបន្ធូរបន្ថយវិធានការបង្ការជំងឺកូវីដ-១៩ មួយចំនួន រួមទាំងការដកប្រព័ន្ធច្រកចេញចូលប្រទេសថៃ ចាប់ពីថ្ងៃទី ១ ខែកក្កដា។

លោក Yuthasak បាន បន្ត ថា TAT រំពឹង លើចំនួន ភ្ញៀវទេសចរបរទេស នឹងកើនដល់ ៤,៥លាននាក់ នៅថ្ងៃទី ៣១ ខែសីហា ខណៈមានគោលបំណងទាក់ទាញភ្ញៀវទេសចរសរុបចំនួន ១០លាននាក់នៅឆ្នាំនេះ ជាមួយនឹងច្រើនជាង ១លាននាក់ក្នុងមួយខែ នៅខែសីហា និងខែកញ្ញា និង ១.៥លាននាក់ក្នុងមួយខែ នៅក្នុងត្រីមាសទី ៤។

លោក Yuthasak រំពឹងថា ភ្ញៀវទេសចរបរទេសនឹងបង្កើតប្រាក់ចំណូលចំនួន ៦២៥.៨ពាន់លានបាតសម្រាប់ប្រទេសក្នុងឆ្នាំនេះ ខណៈដែល ៦៥៦ពាន់លានបាតផ្សេងទៀតទំនងជាបានមកពីការធ្វើដំណើរក្នុងស្រុកចំនួន ១៦០លាននាក់ដោយអ្នកធ្វើដំណើរថៃ៕ ប្រភពពី The Nation , ដោយ៖ សារ៉ាត