កូរ៉េខាងត្បូង និងចិនប្រារព្ធខួបលើកទី៣០នៃទំនាក់ទំនងការទូតជាមួយនឹងពិធីផ្សេងរួមគ្នា
កូរ៉េខាងត្បូងនិងចិនបានរៀបចំពិធីរួមគ្នាកាលពីថ្ងៃពុធ ដើម្បីរំឭកខួបលើកទី៣០នៃការបង្កើនទំនាក់ទំនងការទូតរបស់ពួកគេ។
ព្រឹត្តិការណ៍ជាច្រើនត្រូវបានរៀបចំនៅពេលដំណាលគ្នាតាមរយៈវីដេអូលីងនៅក្នុងទីក្រុងរបស់ពួកគេផ្ទាល់ ដោយមានការចូលរួមពីលោករដ្ឋមន្ត្រីការបទេស Park Jin និងសមភាគីរបស់លោក គឺលោក វ៉ាង យី ជាមួយនឹងអ្នកមុខអ្នកការដទៃទៀត។ ពួកគេបានអានសារអបអរសាទររបស់លោកប្រធានាធិបតី Yoon Suk-yeol និងលោកប្រធានាធិបតីស៊ី ជីនភីង។
មេដឹកនាំទាំង២ បានកត់សម្គាល់ពីសារៈសំខាន់នៃទំនាក់ទំនងរវាងប្រទេសជិតខាងទាំង២ និងបានសម្តែងក្តីសង្ឃឹមចំពោះកិច្ចសហប្រតិបត្តិកាន់តែជិតស្និទ្ធថែមទៀត។
ជាពិសេសទៅទៀតនោះលោក Yoon បានសម្តែងក្តីសង្ឃឹមថាមានជំនួបទល់មុខជាមួយលោកស៊ី។ លោកប្រធានាធិបតីចិន បានព្រមព្រៀងពង្រឹង«ទំនាក់ទំនងជាយុទ្ធសាស្ត្រ»ជាមួយលោក Yoon ដោយបាននិយាយថា ប្រទេសទាំង២គួរក្លាយជាអ្នកជិតខាង មិត្តភក្តិ និងដៃគូល្អ។
អ្នកការទូតកំពូលទីក្រុងសេអ៊ូលក៏បាននិយាយថា ទំនាក់ទំនងកូរ៉េខាងត្បូងចិនកំពុងប្រឈមនឹង«ចំណុចរបត់ប្រវត្តិសាស្ត្រថ្មី» និងបានអំពាវនាវសុំឱ្យមានកិច្ចខិតខំប្រឹងប្រែងរួមដើម្បីប្រែក្លាយវិបត្តិមួយឱ្យក្លាយជាឱកាស។
លោកបាននិយាយថា រដ្ឋបាលលោក Yoon នឹងធ្វើការជាមួយប្រទេសចិន ដើម្បីរីកចម្រើនលើគំនិតផ្តួចផ្តើមយ៉ាងក្លាហានរបស់គាត់ក្នុងគោលបំណងផ្តល់ជំនួយសេដ្ឋកិច្ចដល់កូរ៉េខាងជើង ជាថ្នូរនឹងវិធានការលុបបំបាត់កម្មវិធីអាវុធនុយក្លេអ៊ែររបស់ប្រទេសនេះ។
លោក Park បានបង្ហាញពីតម្រូវការដើម្បីបង្កើនកិច្ចសហប្រតិបត្តិការលើវិស័យវប្បធម៌និងជំរុញការផ្លាស់ប្តូរទស្សនៈរវាងប្រជាជននឹងប្រជាជន។
ស្របពេលជាមួយគ្នានោះដែរ នៅមុនពិធីរំឭកខួបនេះ លោក Park និងលោកវ៉ា បានចូលរួមជំនួបពីចម្ងាយមួយ ដែលគណៈកម្មាធិការដើម្បីអភិវឌ្ឍន៍កូរ៉េ-ចិននៅពេលអនាគត បានដាក់សំណើគោលនយោបាយជាច្រើន។
គណៈកម្មាធិការ ដែលត្រូវបានបង្កើតឡើងកាលពីឆ្នាំមុន មានមន្ត្រីរដ្ឋាភិបាលមុននិងបច្ចុប្បន្ន អ្នកស្រាវជ្រាវពាក់ព័ន្ធនិងអ្នកជំនាញដទៃទៀត។ គណៈកម្មាធិការនេះមានភារកិច្ចបង្កើតផែនទីផ្លូវសម្រាប់មធ្យោបាយនានា ដើម្បីធ្វើឱ្យទំនាក់ទំនងរវាងទីក្រុងសេអ៊ូល និងទីក្រុងប៉េកាំងមានការរីកចម្រើនក្នុងឱកាសខួបលើកទី៣០នេះ។ គណៈកម្មាធិការនេះដែរបានស្នើដល់ភាគីទាំង២ស្វះស្វែងគំរូកិច្ចសហប្រតិបត្តិការថ្មីតាមរយៈកិច្ចភាក្សាជាយុទ្ធសាស្ត្រច្រើនកម្រិតដើម្បីធ្វើឱ្យការជឿជាក់ផ្នែកនយោបាយទៅវិញទៅមកកាន់តែស៊ីជម្រៅនិងបានឱ្យមានកិច្ចចរចា២បូក២ដែលមានការចូលរួមពីរដ្ឋមន្ត្រីការបរទេសនិងការពារជាតិ មិនមែនគ្រាន់តែជាជំនួបកម្រិតកំពូលទេ និងការសហប្រតិបត្តិការទៅលើចង្វាក់ផ្គត់ផ្គង់ និងបញ្ហាដែនសមុទ្រ៕ ប្រភព៖ YNA