ខេត្តសៀមរាប៖ ឯកឧត្តម លី រស្មី រដ្ឋលេខាធិការក្រសួងរៀបចំដែនដីនគររូបនីយ៍កម្ម និងសំណង់ បានគូសបញ្ជាក់ថា រហូតមកទល់និងពេលនេះ ប្រជាពលរដ្ឋដែលរស់នៅខុសច្បាប់នៅក្នុងតំបន់រមណីយដ្ឋានអង្គរចំនួន ២ភូមិ បានមកចាប់ឆ្នោតយកក្បាលដីឡូតិ៍ របស់ខ្លួន មានជាង៦០០គ្រូសារក្នុងនោះ មានភូមិ ទក្សិនត្បូង និងភូមិត្រពាំងសេះ ដែលបានចាប់ឆ្នោតរួចរាល់ហើយ ខណៈដែលរាជរដ្ឋាភិបាលបានត្រៀមរៀបចំប្លង់ក្បាលដីជាង៦ពាន់ក្បាលដី ស្មើរនិង ១០៤៦.៥ ហិកតាកន្លះ ជូនបងប្ងូនប្រជាពលរដ្ឋដែលបានវាស់វែងរួចរាល់ នៅក្នុងតំបន់ធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប ។