ខេត្តសៀមរាប៖ អ្នកស្រី ចាន់ ខេង បាននិងកំពុងរស់នៅក្នុងភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប ជាមួយក្មួយបង្កើត ប្រកបរបរលក់ឥវ៉ាន់ចាបហួយ បានឱ្យដឹងថា ពីមុនអ្នកស្រីរស់ខុសច្បាប់នៅតាមដងស្ទឹងសៀមរាបខេត្តសៀមរាប បន្ទាប់ពីរាជរដ្ឋាភិបាលបានរៀបចំសាងសង់ផ្ឡូវ៣៨ ខ្សែនៅក្នុងខេត្ត រួចមក អាជ្ញាធរអប្សរា បានរៀបចំឱ្យប្រជាពលរដ្ឋ មករស់នៅក្នុងតំបន់ធម្មជាតិរុនតាឯកនេះតែម្តង។ បន្ទាប់ពីបានមករស់នៅទីនេះ អ្នកស្រីបានបង្ហាញអារម្មណ៍សប្បាយរីករាយដែលរាជរដ្ឋាភិបាល បានធ្វើការដោះស្រាយជូនគាត់ បានសមរម្យ ជាមួយនិងប្លង់កម្មសិទ្ធច្បាស់លាស់ មិនមានការភ័យខ្លាចដូចកាលពីមុនៗ។