ការប្រកបរបរអាជីវកម្មមិនថាតូចធំ សុទ្ធសឹងស្វែងរកនៅប្រាក់ចំណេញ ដើម្បីជីវភាពគ្រួសារ ហើយអាជីវកម្មមានច្រើនប្រភេទ ច្រើនជម្រើសទៅតាមការបង្កើត នឹងចំណង់ចំណូលចិត្តរបស់ម្ចាស់អាជីវកម្ម ដែលមានដូចជា ភោជនីយដ្ឋាន អាហារដ្ឋាន ឬ ជាការធ្វើអាហារបែបរបរគ្រួសារដែលលក់ជាលក្ខណ:វេចខ្ចប់តាមបណ្តាញសង្គម ដែលពេលបច្ចុប្បន្ននេះកំពុងពេញនិយម។

អ្នកមីង ចេង អុីម បានប្រាប់ក្រុមការងារយើងអោយដឹងដែរថា កាលពីមុនអ្នកមីងជាអ្នកប្រកបអាជីវកម្មអាហារដ្ឋានលក់ដូរទូរទៅនូវ គុយទាវ បបរ បាយ នឹងម្ហូបកម្មង់ តែដោយការលក់មានការធ្លាក់ចុះក្នុងកំឡុងពេលកូវីដ ទើបអ្នកមីងសំឡឹងឃើញឱកាសថ្មីគឺការលក់លើទីផ្សារអនឡាញ គួបផ្សំនឹងការស្រលាញ់នឹងជំនាញក្នុងការធ្វើម្ហូបផងនោះ អ្នកមីងចេងអុីម ក៏សម្រេចចិត្តផ្អាករបរអាជីវកម្មមួយនេះ នឹងផ្តើមធ្វើមុខម្ហូបបែបមេផ្ទះវិញ ដូចជាធ្វើប្រហុកក្រសាំង កាពិផាវ ត្រកក់ជ្រក់ ក្តាមជ្រក់ ធ្វើសាច់គោងៀត ត្រីងៀត ទៅតាមការកម្មង់ទិញពីភ្ញៀវវិញម្តង។

ហើយមុខរបរគ្រួសាររបស់អ្នកមីងចេងអុីង មានការគាំទ្រច្រើនពីភ្ញៀវ ហើយសរសើរមិនដាច់ពីមាត់ថា មានរសជាតិឆ្ងាញ់ អនាម័យនឹងលក់ដាច់ជាហូរហែរ ដែលធ្វើអោយអ្នកមីងសប្បាយចិត្តនូវរបរគ្រួសារមួយនេះដល់សព្វថ្ងៃ៕