អគ្គិភ័យឆាបឆេះនៅសួនឧស្សាហកម្មក្នុងប្រទេសសិង្ហបុរី មនុស្សជាង ១០០នាក់ត្រូវបានជម្លៀសចេញ
សាំងហ្គាព័រ៖ អគ្គិភ័យដែលពាក់ព័ន្ធនឹងគំនរកាកសំណល់កែច្នៃដ៏ធំមួយបានឆាបឆេះនៅសួនឧស្សាហកម្ម Woodlands នៅប្រទេសសិង្ហបុរី កាលពីព្រឹកថ្ងៃសៅរ៍ ទី១៧ ខែកញ្ញា ឆ្នាំ២០២២នេះ។
![](https://asset.ams.com.kh/central/media/2022/09/woodlands_industrial_park_fire_3.jpg)
អ្នកពន្លត់អគ្គីភ័យត្រូវបានហៅទៅកាន់សួនឧស្សាហកម្ម Woodlands នៅម៉ោងប្រហែល ៨៖៤០នាទី ព្រឹកនៅព្រឹកថ្ងៃសៅរ៍ ដែលជាកន្លែងដែលគំនរកាកសំណល់កែច្នៃដែលមានទំហំប្រហែល ១០០ ម៉ែត្រ គុណនឹង ១០០ ម៉ែត្រ និងកម្ពស់ ៨ ម៉ែត្រត្រូវបានឆេះ។
កងកម្លាំងការពារជនស៊ីវិលសិង្ហបុរី (SCDF) បានឡោមព័ទ្ធភ្លើង និងទប់ស្កាត់អគ្គិភ័យនេះ ខណៈដែលកម្មករប្រហែល ២៥ នាក់បានជម្លៀសចេញមុនពេលការមកដល់របស់អ្នកពន្លត់អគ្គីភ័យ។ នគរបាល និង SCDF បានជម្លៀសមនុស្សប្រហែល ៩០ នាក់ចេញពីកន្លែងជិតខាងជាការប្រុងប្រយ័ត្នសុវត្ថិភាព។
![](https://asset.ams.com.kh/central/media/2022/09/woodlands_industrial_park_fire_4.jpg)
រថយន្តសង្គ្រោះបន្ទាន់ចំនួន ១០គ្រឿង និងរថយន្តពន្លត់អគ្គីភ័យប្រមាណ ៧០គ្រឿងត្រូវបានដាក់ពង្រាយ។
SCDF បាននិយាយនៅក្នុងសារបង្ហោះហ្វេសប៊ុកនៅព្រឹកថ្ងៃសៅរ៍ថា “ដោយមិនបានបំពាក់ឧបករណ៍ដកដង្ហើមរបស់ពួកគេ អ្នកពន្លត់អគ្គីភ័យបានប្រឈមមុខនឹងកំដៅខ្លាំង និងផ្សែងខ្មៅយ៉ាងក្រាស់ ខណៈពេលដែលចូលទៅក្នុងឃ្លាំងសម្រាប់ប្រតិបត្តិការពន្លត់អគ្គីភ័យ” ។
![](https://asset.ams.com.kh/central/media/2022/09/woodlands_industrial_park_fire_5.jpg)
យន្តហោះបាញ់ទឹក ក៏ដូចជា ម៉ាស៊ីនពន្លត់អគ្គីភ័យគ្មានមនុស្សបើកត្រូវបានប្រើប្រាស់ដើម្បីពន្លត់ភ្លើង។ SCDF បាននិយាយថា ភ្លើងត្រូវបានគ្រប់គ្រងនៅម៉ោងប្រហែល១០ព្រឹក។ សេចក្តីរាយការណ៍បន្ថែមថា គិតត្រឹមម៉ោង១០ និង៤០នាទីព្រឹក ប្រតិបត្តិការពន្លត់អគ្គិភ័យនៅតែបន្តធ្វើ៕ ប្រភពពី CNA, ដោយ៖ សារ៉ាត