ហាណូយ៖ ប្រាក់ដុល្លារអាមេរិកបានបន្តឡើងថ្លៃ និងឈានដល់ កម្រិត ខ្ពស់ជាប្រវត្តិសាស្ត្រ បេីធៀបនឹងរូបិយប័ណ្ណវៀតណាម (ប្រាក់ដុង) នៅថ្ងៃសៅរ៍ ទី១៧ ខែកញ្ញា ឆ្នាំ២០២២នេះ។

ធនាគាររដ្ឋវៀតណាម (SBV) នៅព្រឹកថ្ងៃសៅរ៍ បានកំណត់អត្រា យោងសម្រាប់ប្រាក់ដុងវៀតណាមនៅ ២៣.២៨៣ ដុង ធៀបនឹង ដុល្លារ ដែលដូចគ្នានឹងថ្ងៃសុក្រ និង ខ្ពស់ជាងដើមសប្តាហ៍នេះ ៥០ ដុង ។

នៅធនាគារពាណិជ្ជ ប្រាក់ដុងរបស់វៀតណាមស្ថិតក្នុងកម្រិត ទាប បំផុត ក្នុងប្រវត្តិសាស្ត្រ។ Vietcombank ដែលជាអ្នកផ្តល់ប្រាក់ កម្ចីធំជាងគេរបស់ប្រទេសនេះបានលក់ប្រាក់ដុល្លារអាមេរិកក្នុងតម្លៃ ២៣៧៩៥ ដុង កើនឡើងជាង ៣.៨ ភាគរយ ពីដើមឆ្នាំនេះ។

អត្រាហាងឆាងTechcombank វិញ គឺ ២៣៨១០ ដុង ខណៈដែល Eximbank វិញ គឺ ២៣៧៩០ ដុង និង សម្រាប់ Sacombank វិញ គឺ ២៣៩៦៧ ដុង៕ ប្រភពពី VNexpress, ប្រែសម្រួល៖ សារ៉ាត