ភ្នំពេញ៖ មន្ត្រីជាន់ខ្ពស់នៃក្រសួងកសិកម្មរុក្ខាប្រមាញ់និងនេសាទ បានអះអាងថា ស្ថានភាពទឹកជំនន់ឆ្នាំនេះ បើទោះបីមានរយៈពេល យូរជាងឆ្នាំមុនក៏ដោយ ក៏វាមិនអាចប៉ះពាល់ដល់ការនាំចេញស្រូវ-អង្ករពីប្រទេសកម្ពុជាឡើយ។

នៅថ្ងៃសៅរ៍ ទី៨ តុលា ឆ្នាំ២០២២នេះ អគ្គនាយកដ្ឋានកសិកម្ម ឯកឧត្តម ហ៊ាន វណ្ណហន បានមានប្រសាសន៍ថា ពាក់ព័ន្ធនឹង ស្ថានភាពទឹកជំនន់ជន់លិចក្នុងពេលបច្ចុប្បន្ននេះ គឺមិនមែនជារឿង ដែលប្រទេសកម្ពុជាមិនធ្លាប់ជួបប្រទះនោះទេ។ ប៉ុន្តែ វាអាចជន់លិច រយៈពេលយូរជាងមុន ដោយសាររបបទឹកពីទន្លេមេគង្គ វាលែង ដំណើរ ការដោយធម្មជាតិ។

លោកបន្តថា ដីស្រែដែលរងការជន់លិចនេះ ចែងចែកជាពីរប្រភេទ។ ប្រភេទទី១. គឺដីស្រែខាងក្រោមផ្លូវជាតិលេខ៦ មានន័យថាជាដីដែល ត្រូវ ធ្វើក្នុងរដូវសម្រក នៅពេលមានទឹកជំនន់ ទន្លេសាបរុញពីមេគង្គ មក វាថយទៅវិញ ហើយភាគច្រើនដីទាំងនោះ គឺធ្វើតាមទឹកស្រក។ ចំណែកប្រភេទទី២. គឺដីស្រែខាងលើផ្លូវជាតិលេខ៦ ដែលបច្ចុប្បន្ន នេះ កំពុងជន់លិច ហើយផលស្រូវដែលលិចទាំងអស់នេះ មិនមែន រងការខូចខាតទាំងស្រុងនៅឡើយទេ ពីព្រោះវាអាស្រ័យ ទៅលើ អាយុស្រូវ។

ឯកឧត្តមបន្តទៀតថា៖ «មកដល់ពេលនេះ យើងមិនទាន់បាន សរុបនៃការធ្វើសិ្ថតិបរិមាណនៃផ្ទៃដីដែលរងផលប៉ះពាល់ខូចខាត។ ហើយនៅពេលដែលយើងមើលឃើញផ្ទៃដីដែលលិចបាត់ចុងហ្នឹង បើលិច ១០០ហិកតា មិនមែនខូចខាតទាំងស្រុង១០០ហិកតា នៅឡើយទេ។

អគ្គនាយកដ្ឋានកសិកម្មថាលោកមិនទាន់អាចវាយតម្លៃបាន ពាក់ព័ន្ធនឹងថាតើផលិតផលស្រូវមានការថយចុះ ឬកើនឡើង ក្នុងកម្រិតណានៅឡើយ ពីព្រោះកាលពីឆ្នាំទៅមិញ ផលិតផល ស្រូវរបស់ប្រទេសកម្ពុជា ទទួលបានជាង ១២ម៉ឺនតោន។

លោកលើកឡើងថា៖ «ការនាំចេញស្រូវអង្ករ ខ្ញុំគិតថាមិនមាន ការប៉ះពាល់ទេ ពីព្រោះការនាំចេញអង្ករកន្លងមក ជាក់ស្ដែងឆ្នាំ កន្លងទៅថ្មីៗនេះ គឺស្រូវជារួមយើងបានជាង ១២លានតោន ហើយក្នុង១២លានតោននេះ គឺយើងបានគិតគូរទុកក្នុងស្បៀង និងអំពីការប្រើប្រាស់ផ្សេងៗគ្រប់បែបយ៉ាងទៅ គឺយើងនៅសល់ ស្រូវរហូតដល់ ៦លានតោន សម្រាប់កិនលក់ជាអង្ករ និងលក់ជា ស្រូវ»។

បើមើលលើសិ្ថតិនៃការនាំចេញអង្ករកន្លងមកនេះ គឺនាំចេញបានតែ ០,៦ លានតោនក្នុងមួយឆ្នាំ ហើយបើធៀបនឹងស្រូវដែលយើងសល់ ជាង ៦លាននោះ គឺវាច្រើនណាស់ ដែលមិនអាចធ្វើឱ្យប៉ះពាល់ ដល់ការនាំចេញស្រូវ-អង្កររបស់ប្រទេសកម្ពុជាឡើយ។ លោក ហ៊ាន វណ្ណហន បានបន្ថែម។

គួរបញ្ជាក់ថា បើយោងតាមរបាយការណ៍ពីក្រសួងកសិកម្ម រយៈពេល ប្រាំពីរ ខែក្នុងឆ្នាំ២០២២នេះ កម្ពុជាសម្រេចការនាំចេញអង្ករទៅ ទីផ្សារអន្តរជាតិ បានប្រមាណជាង ៣៥ម៉ឺនតោន មានការកើន ឡើងជាង១៣ភាគរយទៅកាន់ទីផ្សារទិសដៅចំនួន ៥៣ប្រទេស។ ក្នុងនោះ ប្រទេសចិននៅតែឈរលំដាប់លេខ១ ដែលបានបញ្ជាទិញ អង្ករច្រើនជាងគេពីកម្ពុជា ក្នុងបរិមាណចំនួន ១៧ម៉ឺនតោន ដោយ កើន ឡើងជាង១០ភាគរយ។

ចំណែកបរិមាណអង្ករនាំចេញទៅកាន់ទិសដៅទីផ្សារអឺរ៉ុបវិញ មាន ចំនួនប្រមាណជាង ១១ម៉ឺនតោន កើនឡើងចំនួន ៤៧ភាគរយ និង ទៅកាន់ប្រទេសក្នុងអាស៊ានមានចំនួនជិតបីម៉ឺនតោន កើនឡើង ចំនួនជិត២ភាគរយ។

នៅឆ្នាំ២០២១ មានក្រុមហ៊ុនដែលបាននាំចេញអង្ករចំនួន ៦២ ក្រុមហ៊ុន ក្នុងបរិមាណចំនួន ៦១៧ ០៦៩ តោន ថយចុះចំនួន ៧៣ ៧៦០ តោន (-១០,៦៨% បើធៀបនឹងបរិមាណនាំចេញក្នុងឆ្នាំ ២០២០ ដែលមានចំនួន ៦៩០ ៨២៩តោន៕ ដោយ៖ ជា សុខនី