ហ្សាកាតា៖ មន្ត្រីជាន់ខ្ពស់មួយរូបបាននិយាយថ្មីៗនេះថា ក្រុមការងារស៊ើបអង្កេតលើសោកនាដកម្មកីឡដ្ឋានដែលបានសម្លាប់មនុស្ស ១៣២ នាក់នៅក្នុងប្រទេសឥណ្ឌូនេស៊ី បានអំពាវនាវឱ្យប្រធានសមាគមបាល់ទាត់របស់ប្រទេសនេះលាលែងពីតំណែង។
ការរត់ជាន់គ្នាដែលបង្កឡើងដោយប៉ូលីសបានបាញ់ឧស្ម័នបង្ហូរទឹកភ្នែកចូលទៅក្នុងកន្លែងប្រមូលផ្តុំគ្នាបានកើតឡើងបន្ទាប់ពីការប្រកួតរវាងក្រុមម្ចាស់ផ្ទះ Arema FC និងគូប្រជែង Persebaya Surabaya កាលពីថ្ងៃទី ១ខែតុលានៅទីក្រុង Malang ភាគខាងកើតកោះជ្វា។
ក្រុមស៊ើបអង្កេតមួយត្រូវបានបង្កើតឡើងនៅពេលដែលកំហឹងកើនឡើងប្រឆាំងនឹងការឆ្លើយតបរបស់ប៉ូលីសបន្ទាប់ពីមនុស្ស ១៣២នាក់ រួមទាំងកុមាររាប់សិបនាក់បានស្លាប់ ជាមួយនឹងមនុស្សជាច្រើនបានស្លាប់នៅក្នុងការប៉ះទង្គិចគ្នានៅពេលដែលពួកគេប្រញាប់ប្រញាល់ ទៅរកច្រកចេញតូចៗ។
របាយការណ៍ដែលមានកម្រាស់ ១២៤ ទំព័រត្រូវបានចេញផ្សាយបន្ទាប់ពីរដ្ឋមន្ត្រីសន្តិសុខឥណ្ឌូនេស៊ីលោក Mahfud MD បានធ្វើសន្និសីទសារព័ត៌មានដោយនិយាយថា សមាគមគួរតែទទួលខុសត្រូវចំពោះគ្រោះមហន្តរាយនេះ។

ក្រុមសិទ្ធិមនុស្ស និងអ្នករស់រានមានជីវិតបានប្រាប់ AFP ថា ប៉ូលីសបានប្រើកម្លាំងហួសហេតុក្នុងការឆ្លើយតបទៅនឹងការលុកលុយក្នុងទីលាន ខណៈដែលអ្នកជំនាញបាល់ទាត់ឥណ្ឌូនេស៊ីបាននិយាយថា កីឡាដ៏ពេញនិយមបំផុតរបស់ប្រទេសនេះត្រូវបានគ្រប់គ្រងយ៉ាងលំបាកដោយមន្ត្រីគ្រប់លំដាប់ថ្នាក់អស់ជាច្រើនទសវត្សរ៍មកហើយ។ លោក Mahfud បាននិយាយថា ឧបទ្ទវហេតុនេះគឺអាក្រក់ជាងការដឹងពីមុន ដោយផ្អែកលើខ្សែវីដេអូទូរទស្សន៍បិទពីកាមេរ៉ាចំនួន៣២ ដែលត្រូវបានត្រួតពិនិត្យ៕
ប្រភពពី CNA , ប្រែសម្រួល:សារ៉ាត