តូក្យូ៖ រាជរដ្ឋាភិបាលជប៉ុនបានឲ្យដឹង តាមរយៈរបាយការណ៍មួយ នាថ្ងៃសុក្រ ទី២៨ តុលានេះថា អត្រាគ្មានការងារធ្វើរបស់ប្រទេសជប៉ុនបានកើនឡើងនៅក្នុងខែកញ្ញា បើធៀបនឹងខែមុន។

យោងតាមក្រសួងកិច្ចការផ្ទៃក្នុង និងទំនាក់ទំនង អត្រាអ្នកអត់ការងារធ្វើនៅក្នុងប្រទេសជប៉ុនមានចំនួន ២.៦ ភាគរយនៅក្នុងខែកញ្ញា កើនឡើងពី ២.៥ ភាគរយដែលបានកត់ត្រានៅក្នុងខែសីហា។

ដោយឡែក ក្រសួងសុខាភិបាល ការងារ និងសុខុមាលភាពបាននិយាយថា សមាមាត្រភាពអាចរកបានការងាររបស់ប្រទេស បានកើនឡើងដល់ ១.៣៤ ក្នុងខែកញ្ញា ដែលកើនឡើង ០.០២ ពិន្ទុធៀបនឹងខែមុន ដែលនេះស្មើនឹងការបើកការងារចំនួន ១៣៤កន្លែង សម្រាប់មនុស្ស ១០០នាក់ដែលកំពុងស្វែងរកការងារធ្វើ៕ ប្រភពពីស៊ីនហួរ៖ ដោយ៖ សារ៉ាត