ហាណូយ៖ បន្ទាប់ពីភ្លៀងធ្លាក់ជាប្រវត្តិសាស្ត្រដែលបង្កដោយព្យុះ Son Ca នៅពាក់កណ្តាលខែតុលា ការគំរាមកំហែងការបាក់ដីបានកើតឡើងនៅតាមបណ្តោយ Hai Van Pass ក្នុងភាគកណ្តាលប្រទេសវៀតណាម។ ច្រក Hải Vân គឺជាច្រកភ្នំ ស្ថិតនៅលើផ្លូវជាតិលេខ១ ក្នុងប្រទេសវៀតណាម។

លាតសន្ធឹង ជាង២០ គីឡូម៉ែត្រច្រកភ្នំ Hai Van Pass នេះ គឺជាព្រំដែនធម្មជាតិ រវាងក្រុង Thua Thien-Hue និង Da Nang ។ ដោយសារឥទ្ធិពលនៃព្យុះ Son Ca ទីក្រុង Da Nang ទទួលបានភ្លៀងធ្លាក់ដល់ទៅ ៧៣០ មីលីម៉ែត្រ ខណៈ ដែល Thua Thien-Hue ទទួលរង ៦៥០ មីលីម៉ែត្រ ចាប់ពីម៉ោង ៧ ព្រឹកដល់ម៉ោង ១០ យប់។

នៅថ្ងៃទី ១៤ ខែតុលា បណ្តាលឱ្យមានការរអិលបាក់ដី នៅតាមបណ្តោយផ្លូវកាត់ ដែលជាកន្លែងជាទីពេញចិត្តសម្រាប់អ្នកចូលចិត្តផ្សងព្រេង។

ក្រុមហ៊ុន Deo Ca Traffic Infrastructure Investment JSC ដែលដំណើរការទាំងផ្លូវតាមបណ្តោយច្រកភ្នំ Hai Van Pass និងផ្លូវរូងក្រោមដីនោះ បានចូលរួមជាមួយអង្គភាពក្រោមឱវាទនៃក្រសួងដឹកជញ្ជូនសម្រាប់ផ្លូវថ្នល់នៃប្រទេសវៀតណាម ដើម្បីសម្អាតផ្លូវ ប៉ុន្តែដោយសារបរិមាណដី និងថ្មច្រើន តំបន់ខ្លះមិនទាន់ត្រូវបានបោសសំអាតនៅឡើយ៕ ប្រភពពី VNexpress, ដោយ៖ សារ៉ាត