តូក្យូ/សេអ៊ូល៖ ប្រទេសកូរ៉េខាងជើងបានបាញ់មីស៊ីលផ្លោងជាច្រើនគ្រាប់ នាថ្ងៃព្រហស្បតិ៍ ០៣ វិច្ឆិកា រួមទាំងគ្រាប់មួយដែលបានបង្កការជូនដំណឹងដល់ប្រជាជននៅផ្នែកខ្លះនៃភាគកណ្តាល និងភាគខាងជើងប្រទេសជប៉ុន ក្នុងការស្វែងរកទីជំរក ដែលជាចុងក្រោយបំផុតក្នុងកំណត់ត្រាឆ្នាំនៃការសាកល្បងកាំជ្រួចដោយអាវុធនុយក្លេអ៊ែររបស់កូរ៉េខាងជើង។

ថ្វីបើមានការព្រមានពីរដ្ឋាភិបាលដំបូងថា កាំជ្រួចបានហៀរលើប្រទេសជប៉ុនក៏ដោយ ក៏ទីក្រុងតូក្យូក្រោយមកបាននិយាយថា នោះមិនមែនជាព័ត៌មានពិតទេ។ ការបាញ់បង្ហោះនេះបានធ្វើឡើងមួយថ្ងៃ បន្ទាប់ពីកូរ៉េខាងជើងបានបាញ់កាំជ្រួចយ៉ាងហោចណាស់ចំនួន ២៣ គ្រាប់ ដែលជាចំនួនច្រើនបំផុតក្នុងរយៈពេលតែមួយថ្ងៃ រួមទាំងកាំជ្រួចដែលបានធ្លាក់ដល់ក្បែរនឹងឆ្នេរសមុទ្រកូរ៉េខាងត្បូង ជាលើកដំបូងផងដែរ។

ប្រជាជននៃខេត្ត Miyagi, Yamagata និង Niigata នៅភាគខាងជើងប្រទេសជប៉ុនត្រូវបានព្រមាន កាលពីព្រឹកថ្ងៃទី៣ វិច្ឆិកានេះ ដើម្បីស្វែងរកជម្រកនៅក្នុងផ្ទះ នេះបើយោងតាមប្រព័ន្ធផ្សព្វផ្សាយអាសន្ន J-Alert ៕ ប្រភពពី CNA, ដោយ៖ សារ៉ាត