ហាណូយ៖ ក្រសួងសំណង់វៀតណាមចង់បានលំនៅដ្ឋានសង្គម ចំនួន ១.៤លានយូនីត ដែលសាងសង់ ត្រឹមឆ្នាំនៅឆ្នាំ២០៣០ ក្នុងតម្លៃ ១១៣០ពាន់ពាន់លានដុង (៤៥.៤៥ ពាន់លានដុល្លារ) ហើយច្បាប់បានធ្វើបច្ចុប្បន្នភាព ដើម្បីបើកដំណើរការនេះ។

ក្នុងសំណើទៅរដ្ឋាភិបាល ក្រសួងបានឲ្យដឹងថា ទីតាំងសំខាន់ៗសម្រាប់អភិវឌ្ឍលំនៅឋានសង្គមគឺទីក្រុងហាណូយ ទីក្រុងហូជីមិញ ទីក្រុង Da Nang ទីក្រុង Can Tho និងទីក្រុង Hai Phong។

ដើម្បីពន្លឿនការងារ ក្រសួងចង់ឱ្យមានការកែប្រែច្បាប់ស្តីពីលំនៅឋាន ដីធ្លី ការដេញថ្លៃ និងពន្ធ ដើម្បីបញ្ជាក់ថាតើអ្នកណានឹងមានសិទ្ធិទទួលបានលំនៅដ្ឋានសង្គម គ្រប់គ្រងការបែងចែកដីធ្លី កំណត់អ្នកអភិវឌ្ឍន៍ និងផ្តល់ការលើកទឹកចិត្ត។

ក្រសួងបាននិយាយថា ទោះបីជារដ្ឋាភិបាលតម្រូវឱ្យអ្នកអភិវឌ្ឍន៍គម្រោងពាណិជ្ជកម្ម កំណត់ទុក ២០% នៃដីរបស់ពួកគេ សម្រាប់សាងសង់លំនៅឋានសង្គមក៏ដោយ ការផ្តល់នេះមិនត្រូវបានអនុវត្តឱ្យបានហ្មត់ចត់នោះទេ។

រហូតមកដល់ពេលនេះ លំនៅដ្ឋានសង្គមចំនួន ១៥៥៨០០ ត្រូវបានសាងសង់ ហើយ ៤៥៤០០០ ទៀតកំពុងសាងសង់៕ ប្រភពពី VNexpress, ដោយ៖ សារ៉ាត