កម្ពុជាមិនមានករណីឆ្លងឡើយ ក្នុងរយៈពេល២៤ម៉ោងនេះ។ ការមិនឆ្លងនេះ មានរយៈ ពេល ៥ថ្ងៃ ជាប់គ្នាមកហើយ ជាពិសេសក្នុងពេលដែលកម្ពុជាកំពុងរៀបចំកិច្ចប្រជុំកំពូល អាស៊ាន និងកិច្ចប្រជុំពាក់ព័ន្ធក្នុងរាជធានីភ្នំពេញ។

កម្ពុជា គឺជាប្រទេសមួយដែលមានលទ្ធភាពអាច គ្រប់គ្រងជម្ងឺកូវីដ១៩ បានក្នុងរង្វង់ចង្កោមនៃប្រទេសអាស៊ានទាំង១០។ ការបង្កើតភាពស៊ាំ ក្នុងសហគមន៍ដែលអាចប្រឆាំងនឹងការឆ្លងជម្ងឺកូវីដ១៩នេះបាន គឺដោយសារតែគោល នយោបាយចាក់ស្រោចវ៉ាក់សាំងរបស់សម្តេចតេជោ ហ៊ុន សែ ន។

បើគិតចាប់តាំងពីការឆ្លងលើកដំបូងនោះមកកម្ពុជាមានតួលេខអ្នកឆ្លងសរុបចំនួនជាង ១៣ម៉ឺននាក់ ប៉ុន្តែពួកគេបានជាសះស្បើយ និងបានចាកចេញពីមន្ទីរពេទ្យ ។ កម្ពុជានៅបន្តការចាក់វ៉ាក់ សាំងដូសជំរុញ និងដូសមូលដ្ឋានដល់ពលរដ្ឋទាំងឡាយណា ដែលមិនទាន់បានទទួលគ្រប់ ដូសកំណត់ ។ តួលេខអ្នកចាក់វ៉ាក់សាំងដូសមូលដ្ឋានទូទាំង ប្រទេស គិតត្រឹមថ្ងៃទី១០ វិច្ឆិកា បានកើនដល់ចំនួន ១៥លាន ២១ម៉ឺន ៩ពាន់ ៣០៨នាក់ ដែលស្មើនឹង ៩៥,១២ភាគរយ ។