បាងកក៖ អាជ្ញាធរទេសចរណ៍ថៃ (TAT) រំពឹងថា ភ្ញៀវទេសចរថៃ នឹងធ្វើដំណើរឆ្លងកាត់ខេត្តច្រើនជាងមុនវិបត្តិ Covid ក្នុងឆ្នាំ ២០១៩ ទៅទៀត ។
អនុប្រធានអាជ្ញាធរ TAT ទទួលបន្ទុកទីផ្សារក្នុងស្រុក លោកស្រី Thapanee Kiatphaibool បាននិយាយនាថ្ងៃពុធនេះថា ភ្ញៀវទេសចរថៃបានធ្វើដំណើរឆ្លងកាត់ខេត្តចំនួន ២០០លាននាក់ គិតត្រឹមដំណាច់ខែតុលាឆ្នាំនេះ ធៀបនឹង ២២២លាននាក់ សម្រាប់ឆ្នាំមុនការរាតត្បាត Covid-19 ពោលគឺក្នុងឆ្នាំ ២០១៩។

លោកស្រី បានបន្តថា៖ «ចំនួននៃការធ្វើដំណើរឆ្លងកាត់ខេត្តមានចំនួនខ្ពស់ជាងគោលដៅចំនួន ១៦០លាននាក់»។
លោកស្រី Thapanee ក៏រំពឹងថា ភ្ញៀវទេសចរថៃនឹងអាចរកចំណូលបាន ៨០០ពាន់លានបាត ដែលខ្ពស់ជាងគោលដៅ ៦៥៦ពាន់លានបាត លើការកើនឡើងនៃការធ្វើដំណើរជាលក្ខណៈគ្រួសារ និងកម្មវិធីផ្សេងៗ ។

លោកស្រីបាននិយាយថា ក្រុមហ៊ុនអាកាសចរណ៍ក្នុងស្រុកបានបង្កើនជើងហោះហើរទៅកាន់តំបន់ជាច្រើន ជាពិសេសទីក្រុងឈៀងម៉ៃ ភូកេត និងស្រុកហាតយ៉ៃរបស់ Songkhla ក៏ដូចជាជើងហោះហើរពីក្រៅប្រទេសទៅកាន់ប្រទេសថៃផងដែរ។
លោកស្រី Thapanee បានថ្លែងថា៖ «កត្តាផ្ទុកអ្នកដំណើរបានកើនឡើងពី ៧៥ ទៅ ៨០ភាគរយ»៕ ប្រភពពី The Nation, ដោយ៖ សារ៉ាត