ឈីកាហ្គោ៖ ក្រុមហ៊ុន Ford Motor Co បានប្រកាសនៅលើគេហទំព័ររបស់ខ្លួនក្នុងថ្ងៃសុក្រសប្តាហ៍នេះថា ក្រុមហ៊ុនខ្លួនលក់រថយន្តថ្មីបានចំនួន ១៤៦.៣៦៤គ្រឿងនៅសហរដ្ឋអាមេរិក ក្នុងខែវិច្ឆិកា ឆ្នាំ២០២២ ធ្លាក់ចុះ ៧,៨ភាគរយពីមួយឆ្នាំទៅមួយឆ្នាំ។

តួយ៉ាង ក្រុមហ៊ុនផលិតរថយន្តដែលមានមូលដ្ឋាននៅទីក្រុង Dearborn រដ្ឋមីឈីខែន ការលក់រថយន្តដឹកទំនិញបានចំនួន ៨១.២១០គ្រឿងក្នុងខែវិច្ឆិកាធ្លាក់ចុះ ១,២ភាគរយពីមួយឆ្នាំទៅមួយឆ្នាំ។ ចំណែករថយន្តប្រភេទ SUV មានចំនួន ៦១.៨៨៩គ្រឿង ធ្លាក់ចុះ ១៥ភាគរយ។

ហើយការលក់រថយន្តអគ្គិសនីបានចំនួន ៦.២៥៥គ្រឿង កើនឡើង ១០២,៦ភាគរយ ខណៈតួលេខនេះ បានធ្វើឱ្យ Ford ក្លាយជាក្រុមហ៊ុនផលិតរថយន្តអគ្គិសនី តាមពីក្រោយក្រុមហ៊ុន Tesla នៅក្នុងសហរដ្ឋអាមេរិក។ ក្រុមហ៊ុន Ford លក់រថយន្តអគ្គិសនីបានចំនួន ៥៣.៧៥២គ្រឿងនៅទូទាំងសហរដ្ឋអាមេរិក ក្នុងរយៈពេល១១ខែ ឆ្នាំ២០២២ ខណៈដែលការលក់ប្រចាំឆ្នាំរបស់ក្រុមហ៊ុន Ford បានធ្លាក់ចុះ ២,៧ភាគរយ។

ចំពោះក្រុមហ៊ុនផលិតរថយន្តផ្សេងទៀត ការលក់រថយន្តម៉ាកហុងដានៅសហរដ្ឋអាមេរិកក៏បានធ្លាក់ចុះ ៦,១ភាគរយក្នុងខែវិច្ឆិកា ឆ្នាំ២០២២។ ចំណែកការលក់រថយន្តរបស់ក្រុមហ៊ុន Hyundai Motormerican American វិញ បានកើនឡើង ៤៣ភាគរយពីមួយឆ្នាំទៅមួយឆ្នាំ។ នេះបើយោងតាមសារព័ត៌មាន Detroit News៕ ប្រភព៖ ស៊ីនហួរ ដោយ៖ ទីណា និងបុត្រា