បាល់ទាត់៖ ក្រុមការពារតំណែងជើងឯក មាន់គកបារាំង នឹងត្រូវប៉ះ តោកំណាចអង់គ្លេស ក្នុងវគ្គ ៨ក្រុមចុងក្រោយ នាថ្ងៃទី១១ ខែធ្នូខាងមុខ នៃ World Cup 2022 នៅប្រទេសកាតា។
ក្រុមមាន់គោកបារាំង បានយកឈ្នះក្រុម ប៉ូឡូញ ក្នុងលទ្ធផល ៣ទល់នឹង១ ធ្វើសម្រេចដោយកីឡាករ Oliver Giroud នៅនាទីទិ៤៤ និងខ្សែប្រយុទ្ធវ័យក្មេង Kylian Mbappe នៅនាទី៧៤ និងនាទីទី៩០+១ ខណៈ Lewandoski មួយគ្រាប់នៅនាទីទី៩០+៩។ រីឯ អង់គ្លេស បានយកឈ្នះ ក្រុមមកពីទ្វីបអាហ្រ្វិក សេណេហ្គាល់ ៣-០ ពីក្នុងវគ្គ ១៦ក្រុមចុងក្រោយដូចគ្នា រកបានដោយកីឡាករ Jorden Henderson Harry Kane និង Bukayo Saka ម្នាក់មួយគ្រាប់ ។
ដូច្នេះ វគ្គ៨ក្រុមចុងក្រោយ បានរកឃើញ ៤ក្រុមហើយ ហូឡង់ ត្រូវប៉ះអាហ្សង់ទីន នាថ្ងៃទី១០ ខែធ្នូ និងបារាំង ប៉ះ អង់គ្លេស នាថ្ងៃទី១១ ខែធ្នូ ម៉ោង២យប់រំលងអាធ្រាត្រដូចគ្នា (ម៉ោងនៅកម្ពុជា)។
សម្រាប់កាប្រកួតយប់នេះ ក្រុមសាំម៉ូរៃ ជប៉ុន ប៉ះ ក្រុមក្រូអាត នាម៉ោង ២២:០០ និងក្រុមសាំបា ប្រេស៊ីល ប៉ះ កូរ៉េ នាម៉ោង ០២:០០រំលងអាធ្រាត ៕ ចាន់ វិចិត្រ