ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ រាល់កិច្ចការងារកស៊ីនានារបស់លោកអ្នកក្នុងថ្ងៃនេះនឹងទទួលបានជោគជ័យ និងចម្រើនលូតលាស់យ៉ាងខ្លាំងលើសពីការរំពឹងទុក។ អ្វីដែលអ្នកគួរចងចាំគឺ កុំបណ្តោយពេលវេលាចោលទទេ ហើយត្រូវមានភាពរហ័សរហួន ធ្វើយ៉ាងណាបំពេញការងារឲ្យបានឆាប់ ហើយជ្រើសរើសការងារសំខាន់ធ្វើមុនគេ។ ដោយឡែក ប្រសិនបើអ្នកចង់ផ្លាស់ប្តូរការងារ បង្កើតមុខរបរថ្មិ ឬការបណ្តាក់ទុន គឺអាចធ្វើទៅបាន ហើយផលសម្រេចនឹងកើតឡើងច្រើន។​ ក្រៅពីនេះ​ សូមរកពេលវេលាសម្រាកខ្លះទើបល្អ។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងែនេះផ្តល់ផលល្អឲ្យលោកអ្នកដើម្បីទំនាក់ទំនងការងារតូចធំបានយ៉ាងល្អ។ សូមរងចាំទទួលដំណឹងល្អក្នុងរង្វង់ការងារ ពីព្រោះលោកអ្នកអាចសម្រេចការងារនានាតាមការគ្រោង ឬអាចទទួលបានការផ្តល់រង្វាន់ចំពោះការខំប្រឹងប្រែងធ្វើការងារ។ ក៏ប៉ុន្តែសូមលោកអ្នកប្រកាន់ខ្ជាប់នូវចរិកស្លូតសុភាពរាបសារ និងជៀសវាងជម្លោះរវាងក្រុមការងារ ក៏ដូចជាជាមួយដៃគូជំនួញ។ ទន្ទឹមនឹងនេះ អ្នកក៏គួរមានការប្រុងប្រយ័ត្នចំពោះកំហុសឆ្គងផ្នែកឯកសារ ឬកិច្ចសន្យានានាផងដែរ។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកថ្ងៃនេះល្អជាមធ្យម។ ថ្ងៃនេះមានអំណោយផលប្រសើរណាស់ក្នុងការពិភាក្សាជាមួយថ្នាក់លើ ដូច្នេះសូមបង្ហាញការងារដែលអ្នកបានគ្រោងទុក តែក៏ត្រូវគ្រប់គ្រងពាក្យសំដី ដោយជៀសវាងឲ្យបាននូវមតិរិះគន់ ពិសេសចំពោះមនុស្សក្នុងក្រុមកាងារ។ ដោយឡែក សញ្ញាណនៃលាភសំណាងកើនឡើង ប៉ុន្តែលាភសំណាងនេះ ផ្សារភ្ជាប់ទៅនឹងកាយវិការ និងពាក្យសំដីទាំងស្រុង។ លើសពីនេះ អ្នកមានលទ្ធភាពយល់ដឹងពីបញ្ហា និងអាចដោះស្រាយបានយ៉ាងងាយ។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកថ្ងៃនេះស្រុតចុះ។ លោកអ្នកមានការលំបាកក្នុងការប្រកបការងារដើម្បីឲ្យទទួលបានផលសម្រេចខ្លាំងណាស់ បើទោះបីលោកអ្នកខិតខំប្រឹងប្រែងយ៉ាងណាក្តី។ ក៏ប៉ុន្តែលោកអ្នកមានថាមពលវិជ្ជមានជានិច្ចដើម្បីប្រឈមនឹងបញ្ហា​ ដូច្នេះសូមដោះស្រាយបញ្ហាដែលកើតឡងដោយសន្សឹមៗ និងកុំមានភាពឆេវឆាវ។ លើសពីនេះ ប្រសិនជាអាច សូមធ្វើការងារជាក្រុម ពីព្រោះលោកអ្នកកំពុងត្រូវការគំនិតជាច្រើនបន្ថែមទៀត។ ផ្ទុយទៅវិញ សូមព្យាយាមកែប្រែស្ថានការណ៍ដោយធ្វើទំនាក់ទំនងបន្ថែមជាមួយមនុស្សក្នុងក្រុមការងារ។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ ​ រាសីអស់លោកអ្នកក្នុងថ្ងៃនេះល្អជាមធ្យម។ រាល់កិច្ចការនានាតម្រូវឲ្យអ្នករៀបចំគម្រោងឲ្យបានល្អិតល្អន់ ទើបទទួលបានផ្លែផ្កាជាទីគាប់ចិត្ត។​ លោកអ្នកត្រូវចាប់យកឳកាសនានាដែលមានក្នុងថ្ងៃនេះ ហើយធ្វើយ៉ាងណាកុំបណ្តោយទុកឲ្យវារបូតបាត់បង់ទៅវិញដោយងាយឲ្យសោះ ។ អ្នកក៏គួរតែធ្វើការសម្រេចចិត្តធ្វើការបណ្តាក់ទុន ឬផ្លាស់ប្តូរការងារថ្មី ប្រសិនបើអ្នកមានបំណង ពីព្រោះស្ថានភាពនេះនឹងជួយឲ្យលោកអ្នកសម្រេចការងារទាំងនោះបានល្អ។ ក្រៅពីនេះគួរគិតគូរពីការអភិវឌ្ឍន៍វិជ្ជាជីវៈបន្ថែម ដើម្បីងាយស្រួលសម្របនឹងបញ្ហា។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកថ្ងៃនេះស្រុតចុះ។ ការងាររបស់អ្នកមិនទាន់អាចសម្រេចផលបានទេ តែសូមកុំបាក់ទឹកចិត្ត ត្រូវរៀបចំគម្រោងផែនការជាថ្មី។ ដោយឡែកសម្រាប់អ្នកប្រកបអាជីវកម្ម ហាក់ជួបប្រទះភាពភាពស្មុគ្រស្មាញដោយការប្រកួតប្រជែងខ្លាំងពីដៃគូ ឬស្ថានភាពប្រែប្រួលរបស់បរិស្ថានខាងក្រៅ។ ប្រការគួរចងចាំ គឺសូមព្យាយាមអត់ធ្មត់នឹងពាក្យនិន្ទាឈ្នានីសរបស់អ្នកដទៃ។ ក្នុងនោះ រាល់ការជួបប្រទះភាពស្មុគ្រស្មាញ គួរសុំការពិភាក្សយោបល់ ហើយហាមមិនឲ្យប្រថុយនឹងស្ថានការឡើយ ពីព្រោះមិនមែនជាជម្រើសល្អប្រសើរទេ។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងៃនេះលាភសំណាងធំណាស់នឹងចូលក្នុងផ្ទះលោកអ្នក ពិសេសលទ្ធផលការងារដែលអ្នកបានរងចាំអស់ពេលយ៉ាងយូរមកហើយ ។ ចូរកុំខ្លាចរអានឹងបណ្តាក់ទុន ឬចាប់ផ្តើមការងារថ្មី ព្រោះគ្មានអ្វីមកបង្អាក់លោកអ្នកបានទេ។ សម្រាប់អ្នកធ្វើការងាររដ្ឋ ឯកជននានា តំណែងការងារដែលអ្នកកំពុងរំពឹងទុកគឺមានសញ្ញាណវិជ្ជមាន។ ថ្ងៃនេះជាពេលវេលាល្អក្នុងការទិញចលន និងអចលនវត្ថុចូលផ្ទះ។ ដោយឡែក អ្វីដែលអ្នកគួរមានការប្រុងប្រយ័ត្នគឺការចាញ់បញ្ឆោតគេ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាស្រី។ រាសីអស់លោកអ្នកនៅក្នុងថ្ងៃនេះស្រុតចុះ។ លោកអ្នកអាចនឹងប្រឈមនឹងការខាតបង់បន្តិចបន្តួចក្នុងអាជីវកម្ម ​ឬសម្រាប់អ្នកប្រកបកិច្ចការងារផ្សេងៗ។ កិច្ចការងាររបស់អ្នកហាក់កំពុងជួបប្រទះនឹងភាពរាំងស្ទះ ពិសេសទាក់ទងនឹងការផ្លាស់ប្តូរស្ថានភាពលឿនពេក។ ហេតុដូច្នេះ លទ្ធផលដែលអ្នករំពឹងទុក មិនទាន់សម្រេចទៅបានឡើយ។ ចូររងចាំពេលវេលាបន្តិចទៀតសិន ហើយមិនត្រូវបាត់បង់ទំនុកចិត្ត ឬការខំប្រឹងប្រែងឡើយ។​ ក្នុងនោះត្រូវប្រើប្រាស់ពេលវេលារៀបចំគម្រោងផែនការថ្មី។ ដោយឡែក ចំពោះការខ្ចីបុល ត្រូវហាមប្រាមជាដាច់ខាត។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកនៅក្នុងថ្ងៃនេះល្អជាមធ្យម។ កិច្ចការងាររកស៊ីជួញដូរនឹងទទួលផលចំណេញយ៉ាងប្រសើរ។ ចំពោះលោកអ្នកដែលប្រកបការងារនឹងទទួលបានជោគជ័យ ព្រមទាំងការគាំទ្រហើយច្រើនពីមនុស្សនៅជុំវិញខ្លួន។ ថ្ងៃនេះជាវេលាល្អសម្រាប់អ្នកក្នុងការរៀបចំគម្រោងការសម្រាប់អនាគត ដូច្នេះសូមយកចិត្តទុកដាក់ កុំឲ្យពេលវេលាកន្លងផុតទៅ។ ហើយ ប្រសិនបើអ្នកមិនច្បាស់លាស់ក្នុងចិត្ត សូមពិភាក្សានឹងមនុស្សដែលអ្នកទុកចិត្ត។ ក្នុងនោះ គួរប្រកាន់ខ្ជាប់អាកប្បកិរិយាល្អក្នុងការរស់នៅ ដើម្បីរក្សាបានទំនាក់ទំនងសម្រាប់ការងារ។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  ​  រាសីអស់លោកអ្នកនៅក្នុងថ្ងៃនេះស្រុតចុះ។ ចំពោះអាជីវករ ការលក់ដូរមិនសូវទទួលបានប្រាក់ចំណេញដូចសព្វមួយដងនោះទេ ចំណែកអ្នកប្រកបការងាររដ្ឋ និងឯកជនច្រើនមានភាពស្មុគ្រស្មាញប្រទាក់ក្រឡា។ លោកអ្នកអាចមានមនុស្សនៅជុំវិញខ្លួនច្រណែនទិន្ទា ប៉ុន្តែសូមអត់ធ្មត់ និងអនុគ្រោះ ដើម្បីជៀសវាងការឈ្លោះប្រកែកគ្នា និងបញ្ហារាលដាល ដែលនាំឲ្យខូចប្រយោជន៍ធំ។ រាសីអ្នកផ្សារភ្ជាប់នឹងពាក្យសំដី ដូច្នេះប្រយ័ត្នពាក្យសំដី។ ដោយឡែក ការពិភាក្សាគឺអាចធ្វើទៅបាន តែត្រូវគ្រប់គ្រងចំណុចខ្លាំង និងខ្សោយរបស់អ្នកឲ្យបាន។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ រាល់ការប្រកបអាជីវកម្ម និងកិច្ចការនានារបស់អ្នកដំណើរការទៅដោយរលូន។ អ្នកមានលទ្ធភាពគ្រប់គ្រាន់ដើម្បីទទួលជោគជ័យធំក្នុងថ្ងៃនេះ។ អាស្រ័យហេតុនេះ សូមលោកអ្នកត្រៀមខ្លួនសម្រាប់ការទទួលដំណឹងល្អសម្រាប់កិច្ចការ និងបំណងប្រាថ្នាដែលអ្នកប៉ុនប៉ងជាយូរមកហើយនោះ។​ ទន្ទឹមនឹងនោះ សូមបន្តការខិតខំប្រឹងប្រែង ប៉ុន្តែគួរជ្រើសរើសការងារណាដែលសក្តិសមនឹងសមត្ថភាពរបស់ខ្លួន។ ក្នុងនោះ សូមទំលាក់ចោលការងារខ្លះ ធ្វើយ៉ាងណាកុំបង្ខំខ្លួនឲ្យហួសហេតុពេក។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកល្អជាមធ្យម។ កិច្ចការងារនានានឹងទទួលបានការគាំទ្រយ៉ាងខ្លាំងពីសមាជិកនៅក្នុងក្រុមការងារ លើសពីនេះពាក្យសំដីរបស់លោកអ្នកហាក់មានការជឿជាក់ណាស់​ ដូច្នេះសូមប្រើឳកាសនេះទាញផលប្រយោជន៍ឲ្យបានច្រើន ឬដាក់ចេញការងារដែលអ្នកបានរៀបចំជាស្រេចនោះ។ ចំពោះការចាប់ផ្តើមកិច្ចការងារថ្មី ឬការបណ្តាក់ទុន គឺអាចធ្វើទៅបានដោយគ្មានជំទាស់ឡើយ ដូច្នេះគ្មានអ្វីត្រូវព្រួយទេ ចូរធ្វើនូវការងារដែលអ្នកប្រាថ្នា។ ថ្ងៃនេះដែរ លោកអ្នកក៏អាចនឹងទទួលដំណឹងទាក់ទងនឹងការសម្រេចចិត្តដ៏សំខាន់ក្នុងការងារផងដែរ។

ចំណាំៈ

ឆ្នាំ៤ ជូត ឆ្លូវ មមី ច រាសីឡើងខ្ពស់ត្រដែត។ ថ្ងៃនេះអំណោយផលសម្រាប់ការចរចា ការចុះ ហត្ថលេខា និងការបោះជំហានលើការងារអាជីវកម្ម។