ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះស្រុតចុះ។ ថ្ងៃនេះមិនមែនជាពេលវេលាល្អបំផុតសម្រាប់ការ ផ្លាស់ប្តូរទីកន្លែងការងារនោះទេ។ ប្រសិនបើអ្នកនៅតែមានបំណងចង់ផ្លាស់ប្តូរ គឺអ្នកនឹងត្រូវ ប្រឈមនឹងស្ថានភាពកាន់តែលំបាកក្នុងអាជីព។ អ្នកក៏មិនអាចស្នើសុំជំនួយពីមនុស្សនៅ ក្បែរខ្លួននោះទេ ដូច្នេះសូមប្រុងប្រយ័ត្នរាល់ការសម្រេចចិត្ត និងការបោះជំហានបំពេញការ ងារនៅក្នុងវេលានេះ។ បើទោះបីជាស្ថានភាពថ្ងៃនេះមិនសមតាមបំណងរបស់អ្នកក្តី ក៏មិនគួរ ធ្វើអោយប៉ះពាល់ដល់ទឹកចិត្តរបស់អ្នកដទៃ ចូរខំបំពេញការងារតាមធម្មតា ហើយជៀសឲ្យ ផុតពីការបាត់បង់ជំនឿចិត្តទៅលើខ្លួនឯង។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកក្នុងថ្ងៃនេះល្អជាមធ្យម។ ហោរាសាស្រ្តអាជីពព្រមានលោកអ្នកមិនអោយធ្វើ ការងារដែលការប្រញាប់ប្រញាល ឬប្រថុយប្រថានជាដាច់ខាត ពីព្រោះករណីទាំងនេះនឹង ធ្វើអោយអ្នកមានការលំបាកខ្លាំងក្នុងការងារ។ ប្រការសំខាន់នៅក្នុងថ្ងៃនេះ គឺសូមបំពេញ ការងារជាមួយនឹងគម្រោងដែលអ្នកបានរៀបចំជានិច្ច។ ចំណែកការធ្វើទំនាក់ទំនងនៅក្នុង ថ្ងៃនេះគឺអាចធ្វើទៅបានល្អប្រសើរ ដូច្នេះសូមស្វែងរកឳកាសដើម្បីស្នើសុំជំនួយ ឬការ ពិភាក្សាផ្សេងៗ។ ក្នុងនោះដែរ លោកអ្នកមានភាពសុខដុមរមនានៅក្នុងក្រុមគ្រួសារណាស់ ចំណែកលោកអ្នកជាកំលោះក្រមុំនោះនឹងទទួលបានដំណឹងល្អផង។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកល្អជាមធ្យម។ សូមចាត់ចែងការងារ ឬមុខរបរអាជីវកម្មអោយស្ថិតនៅក្នុងផ្លូវ ដែលត្រឹមត្រូវ។ ក្នុងនោះ ថ្ងៃនេះមិនមែនជាពេលវេលាល្អសម្រាប់ការធ្វើការសម្រេចចិត្ត បោះជំហានថ្មី ឬធ្វើការបណ្តាក់ទុននោះទេ។ អ្នកអាចទទួលបានផលល្អ​ប្រសើរ ប៉ុន្តែអាជីព ធំដុំពេកមិនមែនជាជម្រើសដែលត្រឹមត្រូវនោះទេ។ ទន្ទឹមនឹងនេះក៏សូមចងចាំថា បញ្ហានៅ ក្នុងថ្ងៃនេះក៏មានទំហំធំផងដែរ ហេតុនេះធ្វើយ៉ាងណាយកចិត្តទុកដាក់​ មិនគួរប្រថុយប្រថាន នឹងទំហំបញ្ហានៅក្នុងថ្ងៃនេះនោះទេ។ ដោយឡែក​ ប្រហែលជាការចាយលុយកាក់ច្រើននឹង នាំអោយមានអស្ថេរភាពអាជីពយ៉ាងធ្ងន់ធ្ងរ។ ប្រការសំខាន់ គួរខិតខំបំពេញការងារ។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ លោកអ្នកនឹងទទួលបានលាភសំណាង ច្រើនទាំងលុយកាក់ តួនាទីការងារ និងឳកាសថ្មីៗសម្រាប់ការងារថ្ងៃនេះ ក៏នឹងផ្តល់មូលដ្ឋាន ចំពោះការងារនៅថ្ងៃអនាគតផងដែរ។ ក្នុងនោះ លោកអ្នកនឹងសំឡឹងឃើញការផ្លាស់ប្តូរថ្មីៗ ដែលធ្វើអោយអ្នកមានភាពចម្រុងចម្រើនបំផុត។ ក្នុងនោះ ប្រហែលជាអ្នកនឹងមានដំណើរ បេសកកម្មការងារផ្លូវការ ឬការទទួលបានមុខតំណែងថ្មី។ លើសពីនេះ លោកអ្នកទទួលបាន ការគិតវាងវៃវែងឆ្ងាយ និងមានភាពត្រឹមត្រូវល្អប្រសើរ ដែលករណីនេះនឹងជួយសម្រួល រាល់ ដំណើរការការងារទៅរកភាពជោគជ័យទាំងអស់។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ ​ រាសីលោកអ្នកថ្ងៃនេះល្អមធ្យម។ ការងារទាំងឡាយដែលស្ថិតក្នុងការទទួលខុសត្រូវរបស់ អ្នកកំពុងមានដំណើរការល្អ។ អ្នកនឹងរកឃើញច្រកចេញកាន់តែល្អប្រសើរចំពោះភាព ចម្រុងចម្រើនការងារក្នុងពេលបច្ចុប្បន្ន និងទៅក្នុងអនាគត។ ទន្ទឹមនឹងនេះ លោកអ្នកក៏មិន មានអ្វីដែលត្រូវព្រួយបារម្ភច្រើន បើទោះបីជាបញ្ហាខ្លះកំពុងស្ថិតនៅកណ្តាលផ្លូវរបស់អ្នកក្តី សូមព្យាយាមបំពេញការងារទៅតាមគម្រោង​ ហើយជ្រើសរើសវិធីសាស្រ្តទំនាក់ទំនងធ្វើជា យាន្តដើម្បីឆ្ពោះទៅកាន់គោលដៅ។ ប៉ុន្តែសូមចងចាំថា លោកអ្នកមិនអាចពឹងអាស្រ័យលើ អ្នកដទៃដើម្បីសម្រចបានផលនោះទេ។  

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកនៅក្នុងថ្ងៃនេះល្អមធ្យម។ ហោរាសាស្រ្តអាជីពសូមអោយអ្នកយកគម្រោង ផែនការ និងវិធីសាស្រ្តអនុវត្តការងារមកពិនិត្យវាយតម្លៃជាថ្មី។ មានស្ថានភាពប្រែប្រួលខ្លាំង នៅក្នុងបរិស្ថានការងាររបស់អ្នក ដែលអាចនឹងជះឥទ្ធិពលមកលើលទ្ធផលរបស់អ្នកបាន យ៉ាងងាយស្រួល។ ប៉ុន្តែជាទូទៅគឺលោកអ្នកកំពុងដើរនៅលើគន្លងផ្លូវដែលត្រឹមត្រូវ។ ស្រប ពេលជាមួយគ្នាក៏គួរយកចិត្តទុកដាក់ទៅលើចំណេះជំនាញ និងបទពិសោធន៍របស់មនុស្ស នៅក្នុងក្រុមការងារជាមួយគ្នា។ ចំណាយពេលវេលាបន្ថែមគិតគូរទៅលើគម្រោង និងធ្វើកិច្ច សហការអោយបានជិតស្និទ្ធ។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកនៅក្នុងថ្ងៃនេះល្អជាមធ្យម។ កិច្ចការងាររកស៊ីជួញដូរនឹងទទួលផលចំណេញយ៉ាងប្រសើរ។ ចំពោះលោកអ្នកដែលប្រកបការងារនឹងទទួលបានជោគជ័យ ព្រមទាំងការ គាំទ្រពីមិត្តរួមការងារ។ ថ្ងៃនេះជាពេលវេលាល្អសម្រាប់លោកអ្នកក្នុងការរៀបចំគម្រោងការសម្រាប់អនាគត។ ប្រសិនបើអ្នកមិនច្បាស់លាស់ក្នុងចិត្ត សូមពិភាក្សានឹងមនុស្សដែលអ្នកទុកចិត្ត។ សូមប្រកាន់ខ្ជាប់អាកប្បកិរិយាល្អ ដើម្បីរក្សាបានទំនាក់ទំនង និងជំនួយពីមនុស្ស ដែលនៅជុំវិញខ្លួន។ ក្រៅពីនេះ លោកអ្នកនឹងទទួលបានការវិនិច្ឆ័យ ឬការសម្រេចចិត្តបាន ល្អក្នុងថ្ងៃនេះ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាស្រី។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ថ្ងែនេះផ្តល់ផលល្អឲ្យលោកអ្នកដើម្បីទំនាក់ទំនងការងារតូចធំបានយ៉ាងល្អ។ សូមរងចាំទទួលដំណឹងល្អក្នុងរង្វង់ការងារ ពីព្រោះលោកអ្នកអាចសម្រេចការងារនានាតាមការគ្រោងទុកបានយ៉ាងល្អ។ ក៏ប៉ុន្តែសូមលោកអ្នកប្រកាន់ខ្ជាប់នូវចរិកស្លូតសុភាពរាបសារ និងជៀសវាងជម្លោះរវាងក្រុមការងារ ក៏ដូចជាដៃគូជំនួញ។ ក្នុងនោះប្រសិនបើអ្នកមានបំណងចង់ផ្លាស់ប្តូរទីកន្លែងការងារ គឺថ្ងៃនេះជាពេលល្អបំផុត ដោយសាររាល់ផលរំខានទាំងអស់មិននៅលើផ្លូវរបស់អ្នកទេ។ ដោយឡែក ប្រហែលជាអ្នក ត្រូវប្រយ័ត្នចំពោះស្ថានភាពទ្វេរមុខ រាល់ពេលសម្រេចចិត្ត។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ រាល់ការប្រកបអាជីវកម្ម និងធ្វើកិច្ចការនានារបស់ោកអ្នកនឹងដំណើរការទៅដោយរលូន និងអាចមានលទ្ធភាពគ្រប់គ្រាន់ដើម្បីទទួលជោគជ័យធំក្នុងថ្ងៃនេះ។ សូមលោកអ្នកត្រៀមខ្លួនសម្រាប់ការទទួលដំណឹងល្អសម្រាប់កិច្ចការ និងបំណងប្រាថ្នាដែលអ្នកប៉ុនប៉ងជាយូរមកហើយនោះ ព្រោះរាសីថ្ងៃនេះមិនធ្វើឲ្យអ្នកខកបំណងឡើយ។​ សូមលោកអ្នកបន្តការខិតខំប្រឹងប្រែង ប៉ុន្តែសូមទំលាក់ចោលការងារខ្លះ ធ្វើយ៉ាងណាកុំបង្ខំខ្លួនឲ្យហួសហេតុពេក។ ដោយឡែក​ វេលាថ្ងៃនេះអាចផលសុខសុភមង្គល សម្រាប់គូស្នេហ៍ និងមានដំណឹងល្អសម្រាប់កំលោះក្រមុំផង។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  ​  រាសីអស់លោកអ្នកល្អជាមធ្យម។ កិច្ចការងាររដ្ឋឯកជន នឹងទទួលបានការគាំទ្រយ៉ាងខ្លាំងពីសមាជិកនៅក្នុងក្រុមការងារ ហើយពេលនេះសំដីរបស់លោកអ្នកហាក់មានការជឿជាក់ណាស់​ ដូច្នេះប្រើឳកាសនេះទាញផល។ ចំពោះការចាប់ផ្តើមកិច្ចការងារថ្មី ឬការបណ្តាក់ទុនគឺអាចធ្វើទៅបានដោយគ្មានជំទាស់ឡើយ ក្នុងនោះដែរសញ្ញាណនៃភាពជោគជ័យគឺស្ថិតនៅលើគន្លងផ្លូវរបស់អ្នក។ ក៏ប៉ុន្តែសូមកុំសំដែងអាកប្បកិរិយាប្រមាថចំពោះស្ថានការណ៍។ ដោយឡែក អ្នករំពឹងថាទទួលបានដំណឹងរីករាយដែលអ្នកមានរងចាំជាយូរណាស់មក ហើយ ដូច្នេះសូមមានសេរីសុខ ហើយទទួលយកអំណោយផលល្អក្នុងទំនាក់ទំនង។

ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ រាល់កិច្ចការងារកស៊ីនានារបស់លោកអ្នកក្នុងថ្ងៃនេះ បានជោគជ័យ និងចម្រើនលូតលាស់យ៉ាងខ្លាំង។ អ្វីដែលអ្នកគួរចងចាំគឺ កុំបណ្តោយពេលវេលា សូមឈានជើងឲ្យបានរហ័ស ដើម្បីអាចគ្រប់គ្រងស្ថានការណ៍បានមុនគូប្រជែងរបស់អ្នក។ ការបណ្តាក់ទុន គឺអាចសម្រេចទៅបាន ប៉ុន្តែត្រូវប្រាកដថាគម្រោងរបស់លោកអ្នកបានត្រៀមរួចហើយ។​ ថ្ងៃនេះក៏ជាពេលវេលាល្អសម្រាប់លោកអ្នកដើម្បីរៀបចំផែនការនានាសម្រាប់ជីវិតផងដែរ ដូច្នេះចូរកុំអោយពេលវេលាកន្លងទៅដោយងាយស្រួល។ លើសពីនេះ សូមលោកអ្នករកពេលសម្រាប់ខ្លួនឯងខ្លះទើបមានតុល្យភាព។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះស្រុតចុះ។ ចំពោះអាជីវករ ការលក់ដូរមិនសូវទទួលបានប្រាក់ចំណេញដូចសព្វមួយដងនោះទេ ចំណែកអ្នកប្រកបការងាររដ្ឋ និងឯកជនច្រើនមានភាពស្មុគ្រស្មាញប្រទាក់ក្រឡា។ លោកអ្នកអាចមានមនុស្សនៅជុំវិញខ្លួនច្រណែនទិន្ទា ប៉ុន្តែសូមអត់ធ្មត់ និងអនុគ្រោះ ដើម្បីជៀសវាងការឈ្លោះប្រកែកគ្នា និងបញ្ហារាលដាល ដែលនាំឲ្យខូចប្រយោជន៍ធំ។ រាសីអ្នកផ្សារភ្ជាប់នឹងពាក្យសំដី ដូច្នេះប្រយ័ត្នពាក្យសំដី។ ក្រៅពីនេះ ការគ្រប់ គ្រងចិត្តគំនិតអោយស្ថិតក្នុងស្ថានភាពដែលអាចគ្រប់គ្រងបាននឹងទទួលសម្រួលភាពលំបាក ដែលអាចនឹងកើតឡើងនៅក្នុងពេលនេះ។

ចំណាំៈឆ្នាំ៤ ថោះ មមែ វក ច រាសីឡើងខ្ពស់ត្រដែត។ លាភសំណាងថ្ងៃនេះច្រើនតែទាក់ទងនឹង លុយកាក់។ ចំណែកការចុះហត្ថលេខា និងការផ្សះផ្សារក្នុងទំនាក់ទំនងគឺល្អបំផុត។