ភ្នំពេញ ៖ សូមនិយាយថាទេ ចំពោះគ្រឿងញៀន គ្រឿងញៀន បំផ្លាញអនាគតអ្នក និងក្រុមគ្រួសារអ្នក.! កម្លាំងសមត្ថកិច្ចជំនាញ កាលពីថ្ងៃទី១៨ ខែធ្នូ ឆ្នាំ២០២២ ម្សិលមិញនេះ បានឃាត់ខ្លួនជនសង្ស័យចំនួន ៥៥នាក់ ក្នុងការបង្ក្រាបគ្រឿងញៀន នៅទូទាំងប្រទេស ចំនួន ១៩ករណី។

យោងតាមរបាយការណ៍ បានបញ្ជាក់ឱ្យដឹងថា ជាលទ្ធផលអនុវត្តច្បាប់ពីថ្ងៃទី០១ ដល់ថ្ងៃទី១៨ ខែធ្នូ ឆ្នាំ២០២២នេះ កម្លាំងសមត្ថកិច្ចជំនាយ បានចុះធ្វើការបង្ក្រាបចំនួន ៦០៧៦ករណី និងឃាត់ខ្លួនមនុស្សចំនួន ១៤២០៦នាក់ ក្នុងនោះ (ស្រី ៩០៥នាក់)។

សូមបញ្ជាក់ផងដែរថា កាលពីថ្ងៃទី១៧ ខែធ្នូ ជនសង្ស័យចំនួន ៣៣នាក់(ស្រី ៣នាក់) ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបទល្មើស គ្រឿងញៀន ចំនួន ១៤ករណី នៅទូទាំងប្រទេស។

ដោយក្នុងចំណោមជនសង្ស័យទាំងចំនួន ៣៣នាក់ រួមមាន៖ ជួញដូរ ៧ករណី ឃាត់ខ្លួនមនុស្ស ១៣នាក់ (ស្រី ២នាក់), ដឹកជញ្ជូនរក្សាទុក ៤ករណី ឃាត់ខ្លួនមនុស្ស ៥នាក់, ប្រើប្រាស់ ៣ករណី ឃាត់ខ្លួនមនុស្ស ១៥នាក់ (ស្រី ១នាក់)។ សម្រាប់វត្ថុតាងដែលចាប់ដកហូតយកបានសរុប ក្នុងថ្ងៃ ទី១៧ ខែធ្នូ រួមមាន៖ ជាប្រភេទ មេតំហ្វេតាមីន ម៉ាទឹកកក (Ice) ស្មើ ៣៣១,៦៦ក្រាម និង ២កញ្ចប់តូច, ជាប្រភេទ មេតំហ្វេតាមីន (Wy) ស្មើរ ១,៦៣ក្រាម៕ ដោយ៖ ឆៃហួត